Registers van de Hollandse grafelijkheid 1299-1345

Graaf Willem III bevestigt de schenking door heer Jan van Kruiningen, ridder, aan diens dochter jonkvrouw Machteld van een lijftocht bestaande uit 100 pond Tournois per jaar uit de bede van Kruiningen en omringende parochies alsmede een door de rentmeester van Zeeland uit te keren jaarrente van 40 pond Tournois, welke inkomsten Machteld van hem in leen zal houden; tevens regelt hij de vererving van dit leen.

Wi Willaem^b grave etc. maken ^c cond etc. dat hair Jan van Cruninghe, onse trouwe ridder, bi onsen goeddenken ghemact hevet joncfrouwe Machtelde^d, siere dochter, hondert pond Tornoyse^e sjaers uter^f bede van Cruninghe ende in den naisten^g proechien die dair bi legghen, dat hi van ons in rechten lene houd ende hi onse opene brieve of hevet, ende viertich pond Tornoyse^h sjaers die wi hem ghaven in meringheⁱ van sinen lene die hi van ons in rechten lene houd ende wi hem bewijst hebben ^j mit onsen openen brieven, jaerlix intenemen toit sente Martijns^k misse in den winter^l van onsen rentemeyster van Zeeland die nu es jof namaels wesen sal, in sulken manieren dat joncfrouwe Machteld^m voirs. na heren Jans doit voirscreven dese voirs. hondert ende viertich pondⁿ Tornoyse^o sjaers ontfaen sal van ons in rechten lene te houden; mair storve si sonder wittachtighen soen, so souden^p dese voirs. C XL lb. Tornoyse^q sjaers weder comen op heren Jans sonen van Cruninghen^r, ende die soudense van ons houden^s in rechten leene.

In orkonde etc. Ghegheven toit Sente Gerden berghe^t op sente Marcus^u avond int jaer ons Heren M CCC XXXI.