Registers van de Hollandse grafelijkheid 1299-1345

Graaf Willem III verkoopt heer Olivier abt van het OLV-klooster te Middelburg en diens convent de tienden te Oostkapelle en Poppendamme die hem waren aangekomen van heer Simon van Brigdamme, die als balling was gestorven, met de bepaling dat wanneer hij die tienden aan iemand anders verleent hij aan abt en convent de koopsom zal terugbetalen of goederen van overeenkomstige waarde zal geven.

Wi Willem^b grave etc. maken cont etc. dat wi eenen religieusen^c man ende wisen heren Oliver^d, abt van onser Vrouwen^e cloester in Middelburch^f, ende sinen convente tote hoirs cloester^g behoef voers. ^h vercoftⁱ hebben alsulken tiende als ons ane ghecomen was in Oist capplen ende in Poppendamme van heren Symoen^j van Brigdamme, die ballinch starf uut onsen lande, ende die hi te houden plach van den abt van Middelburch^k, omme vijftich pond groter coninx^l Tornoyse^m, die hi ons te vollen betaelt heft; ende gheloven hem desen tiende te waren jeghen elken mencheⁿ. Ende ware dat sake dat wi desen tiende^o namels yemend gheven wilden jof bewisen^p mosten, zoe souden wi den nabt^q ende sinen covente voirnoemd sijn gelt weder geven jof alzoe goed goet daer voren bewisen alse dese tiende es.

In orconden etc. Ghegheven tote Middelburch^r op sente Symon^s ende Juden dach int jaer ons Heren M° CCC XXXI°.