Registers van de Hollandse grafelijkheid 1299-1345

Graaf Willem III verkoopt Gillis zoon van Pieter Jansz. uit Duiveland zijn tiende te Muden op Wolphaartsdijk tegen een jaarlijkse pachtbetaling.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Wi Willaem^a grave etc. maken cond etc. dat wi vercoft hebben Gillis Pieter^b Jans soens sone ute Duveland onsen tiende ter Muden in Wolfairds dijc, die ons ane quam van Willame^c van der Muden ende groet es in vreemder marken jeghens achte ende twintich ghemete, omme neghen ende twintich pond groeter Tornoyse, dair hi Janne Heynrix^d onsen rentemeyster van Bewesterscelt^e in Zeeland toit onser behoef of voldaen heeft, wilken tiende voirscreven wi verliet hebben ende verlien Gillis^f Pieters sone voirscreven, behouden elken anderen sijns rechts, van ons te houden ende te besitten in allen manieren alse die brief houd die bi wilcoir van ons ende van onsen mannen van Zeeland dair of ghemaect ende beseghelt es^g; ende hier of sal hi ons jairlix te pachte gheven achte scellinghe Hollands^h.

In orkonde desen brieveⁱ etc. Ghegheven in Middelburch^j des manendaghes voir Midvasten int jair ons Heren dusend drie hondert een ende dortich.