Registers van de Hollandse grafelijkheid 1299-1345

Graaf Willem III verpacht van de 12 gemet tienden te Sabbinge en te Westkerke op Wolphaartsdijk, waarvan Willem Jansz. van Schengen met zijn toestemming 8 gemet heeft verkocht, de resterende 4 gemet aan Willem.

Vgl. het volgende nr. ZE 616 alsmede nrs. ZE 559 en 560.

Wi Willaem^a grave etc. maken cond etc. Want^b Willem^c Jans^d sone van Schenghe voir ons quam ende verliede dat hi van sinen twailf ghemete tienden, legghende in Sabbinghe ende in Westkerke in Wolfairds dijcke^e, vercoft hadde alsoe verre alst onse wille ware Janne heren Jans sone van Zabbinghe^f vier ghemete tienden in deelinghe van den tiende voirscreven, ende hi ons dair of sine opene brieve of op ghelevert heeft, dair Jan van Sabbinghe voirs. onse opene brieve of heeft; voirt heeft Willem^g Jans sone voirs. vercoft bi onsen wille van den selven twailf^h ghemete tienden in Zabbingheⁱ Clais^j Hughen^k sone van Sabbinghe vier ghemete tienden, dair wi Clais^l voirs. onsen opene brief of ghegheven hebben; alsoe bliven noch Willem voirscreven van der voirseider tienden vier ghemete tienden, die wi hem verlien mid desen brieve, behouden elken anderen sijns rechts, van ons te houdene ende te besittene in allen manieren als die brief houd die bi wilcore van ons ende van onsen mannen van Zeeland^m dair of ghemaect ende beseghelt is; ende hier of sal hi ons jairlix te pachte gheven achtien penninghe Hollandsⁿ.

In orkonde etc. Ghegheven toit Dordrecht^o des sonnendaghes na Paischen^p int jair ^q M CCC XXXIII.