Registers van de Hollandse grafelijkheid 1299-1345

Graaf Willem III verpacht jonkvrouw Maria, dochter van Godfried van Stapel, de circa 25 gemet tienden te ’s-Heer-Arendskerke die zij van haar echtgenoot Dirk Florisz. van ’s-Heer-Arendskerke als lijftocht had gekregen, welke tienden deze daartoe aan de graaf had opgedragen.

Wi Willem^a grave van Heynnegouwen^b, van Holland^c van Zeeland^d etc. maken cond etc. dat Diederic Florens sone van Ser Arnouds kercke^e met onser hand ghemaect heeft joncfrou Marien Godevairds dochter van Stapele, sinen wive, alle sinen tiende die^f hi van ons hout ende groit es omtrent vive ende twintich ghemete, ligghende in Ser Arnouds kercke^g op tZand^h van Arnemuden, op Avenzand ende in Coninchem in Noirtbevelandⁱ, te besitten toit hoirre duarie alsoe langhe als soe levet, welken tiende ons Dieric voirs. opghedraghen heeft, die wi joncfrou Marien sinen wive verliet hebben ende verlyen toit hoirre lijftocht als voirscreven es^j; ende hier of sal si ons jairlix te pachte gheven V scellinghe ende VIII½ penninghe Hollands^k.

In orkonde desen brieve beseghelt mit onsen seghele^l. Ghegheven in die^m Haghe ⁿ des donresdaghes na Paischen int jair ons Heren M CCC XXXIII°.