Registers van de Hollandse grafelijkheid 1299-1345

Graaf Willem III geeft Pieter Buyt toestemming om goederen te confisqueren van die van Denemarken ten oosten van de Elbe om zo op hen te verhalen wat zij van hem genomen hebben; hij gelast zijn baljuws en rechters, die het geconfisqueerde zullen innemen, Pieter in dezen medewerking te verlenen.

Wi Willaem grave etc. maken cond etc. dat wi Pieter Buyt oirlof ghegheven hebben ende gheven mid desen jeghenwoirdighen^a brieve te pandene op die van Denemarken oystwairds van der Elven, in manieren soe wat goede dat hi panden sal jof arresteren dat hi dat gheheelix ende al brenghen sal ende laten onder onsen baliu dair hijt onder arresteert jof onder wien van onsen rechters dat hijt panden sel jof arresteren, ende niet dair of te doene ten sie bi onsen behiete; wair omme wi ombieden ende ghebieden allen onsen baliuwen ende rechters voirs. dat si voirderlike wesen Pieter voirs. in desen voirseiden zaken, wair bi dat hi panden moghe op die van Denemarken^b ter tijd toe dat hi verhal heeft van ^c dat him die van Denemarken^d ghenomen hebben ende hi ter ^e wairheit betoeghen sal moghen, sonder archlist. Dit sal gheduren toit onsen wedersegghen.

In orkonde etc. Ghegheven toit Sente Gheerden berghe^f des vrydaghes na meyedach int jair XXXIII.