Registers van de Hollandse grafelijkheid 1299-1345

Graaf Willem III verpacht aan Jan zoon van Boudewijn Simonsz. de 233 roede tienden in het ambacht Noordmonster op Walcheren die door de eerdere pachter Boudewijn Rapenz. met zijn toestemming aan Jan waren verkocht.

Wi Willem^a grave^b van Heynnegouwen^c etc. maken cont allen luden dat Boudwijn Rapen sone sine twee hondert ende drie ende dortich roeden tienden ligghende in Walcheren^d in Nortmonster^e ambocht, die hi van ons in pachte helt omme vichtalf penninghe Hollands^f jaers^g, bi onsen goeddencken vercoft hevet Jan Boudwijn^h Symons soens sone omme ene somme van penninghen dair hi hem of voldaen heeft; wilken tiende voirscreven wi verliet hebben ende verlien Janne voirs. van ons in pachte te houden, behouden elken anderen sijns rechts, in allen dien manieren ende rechte dat die brief hout die bi wilcoren der mannen van Zeelandⁱ dair of ghemaect ende bezeghelt is; ende hier of sel hi ons jairlix te pachte gheven vijftalf penninghe Hollands^j in allen manieren alse die brief hout voirscreven.

In orconde desen brieve bezeghelt met onsen zeghele^k. Ghegheven in Middelburch^l des saterdaghes na sinte Lucas dach int jair ons Heren M° CCC° XXXIIII.