Registers van de Hollandse grafelijkheid 1299-1345

Graaf Willem III geeft het bedijkte land in Deifel, bij de Riederwaard, in erfpacht uit aan heer Hugo heer van Zottegem, burggraaf van Gent, heer Jan van der Dussen, ridder, Aper uter Mijl, Jan van Almonde en Engebrecht van Wychnich, die dat land bedijkt hebben, met de bepaling dat wanneer het door overstroming verloren gaat, het weer aan de graaf zal komen.

De onderstaande tekst is gebaseerd op afschrift B.

Wi Willaem grave etc. maken cont allen luden dat har Hughe here van Sottingheen, burchgrave van Ghent, onse neve, jeghens ons vercreghen hevet alsulc lant ende erve als gheleghen es binnen der Heyffele^b dat es bediket an Riedert waerd^c, also verre alst ons toe behord ende wi ane ons ghedreghen hadden, dat onse rentemeesters plaghen te verhuren, dat havelinghe was ende reet eer^d dat die Heyffele ghedijct was; ende es te weten^e dat har Hughe here van Zottingheem^f voernoemt ende die ghene die de Heyffele met hem ghediket hebben, dats te weten har Jan van der Dussen^g ridder, Aper^h uter Milenⁱ, Jan van Almonde ende Enghebrecht van Wijchnich ende haer erfnamen oft nacomelinger, sullen dit voers. land ende erve^j houden ende ghebruken in allen rechte dat wijt hadden, te enen erfpachte jaerlix te gheven ons jof onsen ghewerden bode III lb. ende X s. Hollandscher^k penninghe jof die waerde daer of, in sente Martijns^l daghe in den winter^m te ghelden. Ende waer dat zake dat land ridende worde, des God verbieden mote, so soude dat land ende erve an ons comen in alsulkerⁿ manieren alst te voren was aerd^o tland^p ghedijct was. Vord hebben wi ghelovet ende gheloven dit voers. goed te waren voer ons, onse nacomelinger ende erfname sonder henigherhande erghelist jeghens elken man diet ane spreken mochte, dat dreghen jeghens den voers. har Hughen here van Zottingheem^q onsen neve ende den ghenen die dat land met hem ghedijct hebben dier voernoemt sien, of haer erfnamen ende nacomelinghen.

In orconden etc. Ghegheven op sinte Andries dach anno Domini XIX^or.