Registers van de Hollandse grafelijkheid 1299-1345

Graaf Willem III beleent zijn kamerling Willem heer Filipsz. van Duivenvoorde met de ambachten, gerechten, tienden, veren, visserijen en alle andere inkomsten van Dubbelmonde en Almonde, in ruil voor inkomsten elders die Willem hem heeft opgedragen, en hij verzoekt schepen en Raad van Dordrecht handhaving van een en ander te willen garanderen; de oorkonde wordt medebezegeld door enkele met name genoemde getuigen alsmede door genoemde schepenen en Raad.

Vgl. nr. ZH 59 verderop in het register.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

De onderstaande tekst is gebaseerd op afschrift B.

Wi Willaem^a grave van Henegouwen^b etc. maken kont ende kenlike allen den ghenen die desen brief zullen sien of horen lesen^c dat wi om menighen trouwen dienst die ons Willem^d heren Phillips^e sone van Duvoirde^f, onse camerlinc, dicken ghedaen hevet ende noch doen sal, hebben ghegheven ende verlient^g Willaem^h onsen camerlinc voerseyt alle onse ambochte van Dubbelmonde ende van Almonde, gherechte, tienden, veren, visscherien ende anders alle die renten ende vervallen ende dat daer toe behoerd, in allen manieren ende also groet alsi ons ane quamen van heren Hughen here van Zottinghenⁱ ende van Putte ende van Beatricem^j sinen wive, hem ende sinen nacomelinghen van ons ende van onsen nacomelinghen te houden in rechten leene. Ende want ons Willaem^k voirs. elwaer in goeden renten also vele renten weder bewisen^l hevet alse dit goet voers. draghet bi Janne van Berghen onsen baeliu van Zuutholland, Janne veren Diedewijn soen onsen rentemeester van Zuutholland^m ende bi Voppen Biezemaer onsen knape, die wi daertoe gheset hadden, also dats ons ghenoeghet, zo ghelove wi voer ons ende voer onse nacomelinghen Willaemⁿ voers. ende sinen nacomelinghen des goeds voers. te waren jeghens elken mensche; ende quame Willaem^o voers. of sine nacomelinghen enighe scade jof lette van deser ghifte, die soude wi of onse nacomelinghe hem op rechten. Ende hebben ghebeden ende bidden onsen lieven ende ghetrouwen den scepene ende Raet van^p onser van steden van Dordrecht^q die nu te tieden sien jof hier namaels wesen sullen dat si Willaem^r voers. in desen voerseyden goede helpen ende starken van onser ghemeenre stede weghen voers., waerd dat hem yemant jof sinen nacomelinghen daer in letten jof deren wouden.

Hier over waren onse ghetrouwe luden ende manne onse eerzame vader in Gode here Jacob bider ghenaden Goets bisscop van Zuden, here Hugheman here van Zeven berghen^s, here Willaem^t van Wilnesse, ridders, Jan van Berghen^u onse baeliu voirs. ende Enghebrecht^v van Voerscoten onse rentemeester van Noerdholland^w.

Ende omme dat wi willen dat dit stade ende vaste blivet, soe hebben wi desen brief open bezeghelt met onsen zeghle; ende inder meere sekerhede ende kennesse so hebben wi ghebeden den bisscop van Zuden, heren Hugheman, heren Willem^x, Jan, Enghebrecht^y ende scepenen ende Raed voerscreven dat si desen brief mit ons mede open bezeghelt^z hebben ter orkonde. Ghedaen ende ghegheven tote sinte Gherden berghe^a' des zonnendaghes na sente Mattijs dach int jaer ons Heren dusend driehondert ende neghentiene.