Registers van de Hollandse grafelijkheid 1299-1345

Graaf Willem III beleent Seger van der Tol en diens zoon Heinekijn met het ambacht geheten de Nesse in Tieselenswaard, met de daarbij behorende visserij, welke goederen Seger had gekocht van Hugeman heer Genemansz. uit de Polder.

Wi Willaem^b grave van Heneghouwen^c etc. maken cont allen luden dat alsulc recht^d alse Hugheman heren Ghenemans sone uten Polre hadde ant ambocht dat men hiet de Nesse^e, dat leghet in Tiesselin waerd^f van^g Wolbrands^h Wissenⁱ kerke opwaerd tote heren Ghenemans polre, ende an die visscherien^j die tote^k den ambochte voers. toe behoert, die gheleghen sijn van heren Ghenemans polre westwaerd tote der heren visscherien van sinte Pieters tUtrecht^l in den Dibbel, dat^m Zegher van der Tolne jeghens Hugheman heren Ghenemans sone uten Polre ghecoft hevet, den voerseyden Zegherⁿ van der Tolne ende Heynekijn sinen sone verliet hebben ende verlien van ons te houden in al den selven rechte alse Hugheman here^o Ghenemans sone uten Polre voernoemt van ons plach te houden; zonder arghelist.

In orkonde desen brieve bezeghelt^p met onsen zeghele. Ghegheven in den Haghe des zaterdaghes up onser Vrouwen avond in marte int jaer ons Heren M CCC ende achtiene.