Registers van de Hollandse grafelijkheid 1299-1345

Jan heer van Saffenberg en zijn echtgenote Sofia vrouwe van Saffenberg verkopen aan graaf Willem III alle aan de heerlijkheid Heusden toebehorende en in het land van Heusden gelegen leengoederen, met inbegrip van de burcht, waarbij Gerard heer van Voorne, heer Otto van Cuyk en heer Arnoud heer van Randerath de precieze hoogte van de koopsom zullen vaststellen; zou de graaf hiermee niet tevreden gesteld zijn, dan zullen Jan en Sofia de stad Heusden binnen 14 dagen teruggeven; voorts zullen zij hangende de uitspraak ter plaatse geen bede heffen noch de vergunning van de Lombarden verlengen; de oorkonde wordt meebezegeld door heer Gerard heer van Heinsberg, Otto van Cuijk en Arnoud van Randerath, de door de oorkonders aangestelde borgen.

De bovenstaande datering is gebaseerd op de veronderstelling dat een winterstijl is toegepast. Zie de kopnoot bij nr. ZH 21.

De onderstaande tekst is gebaseerd op afschrift B.

Allen den ghenen die dese lettere sullen sien jof horen lesen, wi Jan here van Zaffenberch^a ende Sophia^b vrouwe van Saffenberch^c doen cont dat wi vercoft hebben enen hoghen prince ende enen moghenden heren Willame^d grave van Henegouwen^e, van Holland^f etc. al dat goet dat ter heerlichede van Hoesdene^g toe^h behoird dat in den lande van Hoesdeneⁱ gheleghen es, die borch ende al tgoed, uytgheseet erflich goed^j eigen^k dat man van gheinen here^l enhout, omme twaelf dusend pond zuarter Tornoyse^m of enen coninx Tornoyseⁿ voer zestien penning gherekent, ende also vele meer als heren Gheraerde^o den here van Voerne^p, hair Otte van Kuyc, haer Arnoud^q here van Randenroide segghen zullen na dien dat si dat goet vinden dat beter es; ende waer dat zake dat ons der herlicheyt yet^r of ghinghe, des zulwi oec bliven toter drier heren segghen voernoemd. Ende wanneer die grave voerghenoemd^s ons hier of alvol ghedaen hevet alse dese drie heren voers. segghen dat ons ghenoech ghedaen es, so zullen wi Jan here van Zaffenberch ende Sophya^t sijn wijf rumen aldese herlicheyt den grave voers. in manieren als hier voer ghesproken es^u, ende up draghen alle voerwairde; ende alle brieve die wi daer of hebben, zullen wi vertien voer allen den ghenen daer dese heerlicheyt ane roerd, also als wi van rechte sculdich sien te doene. Voird waer dat zake dat onsen here den grave voers. des zegghen van desen drien heren voerghenoemd niet en ghenoechde alse an desen cope te blivene, zoe ghelove wi Jan here van Zaffenberch ende Sophie^v sijn wijf in goeden trouwen onsen here den grave voerghenoemd^w weder^x te ghevene ende terumen die stat metter ^y vriheden binnen viertiennacht na den daghe dat si onse here die grave hevet ende hebben wil. Voird gheloven wi oec dat wi binnen desen zegghen bede noch scattinghe int land heysken^z noch setten en zullen, noch den Lomberden^a' hoir jaer verlanghen, ten si bi wille ons heren des graven voers. Ende omme mere sekerhede deser voernoemder voerwaerden so hebben wi te borghe gheset^b' edele lude als heren Gherarde^c' here van Heymsberch^d', heren Otten van Kuyc, heren Arnolde here van Randenroide alse zagwelde^e' mit ons; jof wi van ghebreke ghemaend^f' worden, so sullen wi in comen ende onse borghen voers., of eyghelic en^g' ridder voer hem, tote Dordrecht^h' in ene ersame^i' herberghe te legghene, niet daer uyt te scheydene wi en hebben voldaen al die voerghenoemde voerwaerden.

Ende omme dat alle die^j' voerghenoemde^k' voerwaerden vast ende ghestade bliven, so hebben wi Jan here van Zaffenberch ende Sophye^l' sijn wijf onse zeghele met zeghele^m' onser borghen voers. ghehanghen an dese tieghenwoerde^n' lettere. Ende wi Gheraerd^o' here van Heymsberch^p' ende Otte van Kuyc^q' als borghen, ende wi Arnoud here van Randenroide^r' als zacwelde^s', hebben onse zeghele an dese lettre ghehanghen.

In kennesse al der voerwaerden die voer gheseyt ende gheloeft sien^t', ghegheven int jaer ons heren alsmen scrieft M CCC ende achtiene up onser Vrouwen dach alsmen die keersen dreecht.