Registers van de Hollandse grafelijkheid 1299-1345

Graaf Willem III bevestigt een eerdere schenking door zijn knaap Foppe Bezemaar aan diens toenmalige echtgenote Victoria van een lijftocht van een jaarrente uit tienden in de Riederwaard, welke Foppe van hem in leen houdt.

De onderstaande tekst is gebaseerd op afschrift B.

Wi Willaem^a grave van Henegouwen^b, van Holland^c etc. maken cond allen luden dat voir ons quam in tijden die verleden es^d Voppe^e Bezemaer onse knape in die jeghenworrdichede onser manne des heren van Voirne, heren Symoens^f van Benthem^g ende Pieter Wieringhs^h zone, ende maecte met onser hand ende bi onsen toedoneⁱ Victorien die doe ten tiden sijn wijf was wijf^j pont Hollands^k sjaers toit^l hare lijftochte, jaerlix in te nemen uter tienden die die vrouwe van Rassenghem^m licghende heeftⁿ in Riederwaerd^o, die wilke vijf pond sjaers Voppe voers. van ons helt^p te rechten liene; ende hier in zullen wi dese voers. Victorien ^q houden alsoe langhe alsoe^r leeft. Ende doe wi hair dese voirseyde kennesse bezeghelen deden dair waren over alse oirkonde Ghisebrecht^s haren Jacobs zone, Roeloef Betten zone onse scepene van Dordrecht^t ende Adaem^u van den Wale.

In oirkonde desen brieve bezeghelt met onsen zeghele^v. Ghegheven des zonnendaghes na sente Servais^w dach int jaer ons Heren^x M CCC twie ende twintich.