Registers van de Hollandse grafelijkheid 1299-1345

Graaf Willem III schenkt de goede lieden wonend in het ambacht Ammerstol het recht en de vrijheid zoals hij die eerder aan de poort van Oudewater had gegeven, met de bepaling dat zij te Oudewater te hoofde zullen gaan.

Vgl. nr. ZH 91.

De onderstaande tekst is gebaseerd op afschrift B.

Wi Willaem^a grave van Henegouwen^b etc. maken cond allen luden dat wi omme goede jonste ende voerdernesse die wi hebben tot onsen goeden luden wonende in onsen ambochte van Ammers daer nu onse ^c tolne staet, binnen desen palen: op waerds tot heren Jans van Henegouwen^d ons broeders ambochte streckende ende nederwaerds sceydende tusken Wicghers^e lande ende den Gheere^f, te veldewaerds sceydende toter Niewer^g wateringhen toe, wilc ambocht wi aen ons ghehouden hebben, ghegheven hebben ende gheven alsulc recht^h ende vrihedeⁱ als wi onser poirten van Oudewater hier te voren ghegheven hebben; ende willen dat si alsulc^j recht ende vryhede hebben ende ghebruken van desen daghe voerwaerds. Ende ware dat zake dat onse lude van Ammers^k wonende binnen den^l palen voers.^m enighe verclaersinghe van den rechte jof vrihede behoefden ende sijs selve niet vroedennoech en waren, zoe gheven wi hem oirlof dat si dan halen ende zoeke aen onse scepene van onser poirte van Oudewater voerscreven. Dese vrihede ende gratie voerscreven zal ghedure tot onsen wedersegghene.

In oirkonde desen brieve bezeghelt met onsen zegheleⁿ. Ghegheven tote^o Dordrecht^p des zonnendaghes na half meye int jaer ons Heren M CCC twie ende twintich.