Registers van de Hollandse grafelijkheid 1299-1345

Graaf Willem III beleent heer Jan van der Dussen, ridder, met een jaarrente van 20 pond Hollands uit al zijn buitendijkse landen rond Arnoudswaard, in plaats van de hem bij diens huwelijk beloofde 200 pond Hollands ineens; voorts regelt hij de vererving van dit leen.

Cf. nr. ZH 113.

De onderstaande tekst is gebaseerd op afschrift B.

Wi Willaem^a grave van^b Henegouwen^c, van Holland^d etc. maken cond etc. dat wi haren Janne van der^e Dussen, ridder^f, ghegheven hebben ende gheven voir die twie hondert pond Hollands^{g h} die wi hem gheloveden in huwelike met veren Agniesen sinen wive, onser nichten, twintich pond Hollandsⁱ sjaers, die wi hem jaerlix bewisen intenemen in allen onsen uytlanden die^j gheleghen sien omtrent Harnouts waert^k, te sinte Baven daghen^l alle jaren. Ende dese twintich pond renten voerseyd so heeft hair Jan van der  Dussen van ons ontfanghen te liene, ane te comene op sine kindre die hi hebben zal bi veren Anghenisen^m sinen wive, zijdⁿ zone jof dochter; ende waer dat zake dat hair Jan van der Dussen storve sonder kind te hebben bi veren Anghniesen^o sinen wive voerseyd, so zal dese voerseyde rente comen op die ghene daer si metten rechte sculdich es te comen; ende storve^p vere Angniese^q onse nichte voerseyd sonder kint te hebben bi haren Janne van der Dussen, so zal die rente voers. an ons comen, zonder arghenlist.

In oirkonde etc. Ghegheven tote sinte Gheerden berghe des zaterdaghes na sinte ^r Bartholomeus^s dach int jaer ons Heren M CCC^o twie ende twintich.