Registers van de Hollandse grafelijkheid 1299-1345

Graaf Willem III beleent Hendrik van Walhain met een jaarrente van 60 pond zwarten Tournois uit de tol van Niemandsvriend, hem toegevallen van diens vader heer Arnoud heer van Walhain; de 40 pond die heer Arnoud ook van hem in leen hield zijn bij diens dood aan de graaf teruggevallen.

De onderstaande tekst is gebaseerd op afschrift B.

Wi Willaem^b grave van Henegouwen^c etc. maken cond etc. Want onsen lieve here ende vader^d, daer God die ziele of hebben moete, om goeden dienst ende ghetrouwen die hem onse lieve neve hair Arnoud^e here van Walehain^f ghedaen hadde ghegheven hadde van hem te houdene^g te liene ^h hondert zuarter Tornoyseⁱ sjaers, daer ghi^j die viertich pond sjaers houden souden te liene toit sinen live ende die sesticht pond Tornoyse^k te rechten liene, te houden van hem ende van sinen nachomelinghen, also alse sinen brieve helden die hi dair of hadde; nu sien ons die viertich pond sjaers die hi hadde toet^l sinen live ane comen bi siere doet, ende die sestich pond sjaers die Heynric van Walehain^m sinen sone ane comen sienⁿ van den here van Walehain^o sinen vader^p die bewisen wi hem, ende jaerlix bewisen^q intenemen ende tonfanghen tote Alre heylighen daghe^r die naist coemt sestich lb. suarter Tornoyse^s alle jare, den groeten Tornoys^t voir^u sestien penninghen, op onse tollen van Niemands vriend^v, die^w hi ende sine nacomelinghe van ons ende van onsen nacomelinghen graven van Holland^x houden zal te rechten liene tote dat wine in seker stede anders waerd bewiset hebben. Ende ombieden ende ghebieden naiersteliken onsen rentemeyster van Zuytholland^y die nu es jof hier na wesen zal dat ghi Heynric van Walehain^z voirseyd, jof sinen ghewaerden bode die sinen open brief brenghen zal bezeghelt met sinen zeghele, alle jare ^a' betalen tote^b' alre Heylighen daghe die zestich pond Tornoyse^c' sjaers voirs.^d' hem ende sinen nacomelinghen, sonder ander ghebot van ons te hebbene; ende van also vele zulle wi onsen rentemeyster quiten met sinen brieve in siere rekeninghe.

In oirkonde etc. Ghegheven^e' Tordrecht^f' des zaterdaghes na sinte Pieters dach ende sinte Pouwels^g' int jaer ons Heren^h' M CCC drie ende twintich.