Registers van de Hollandse grafelijkheid 1299-1345

Graaf Willem III verklaart met Hendrik van Brederode overeen te zijn gekomen Heerjansdam weer te bedijken, naar Zeeuws recht, waarna Hendrik van diens ambachten, visserijen en tienden aldaar twee derde deel zal krijgen en de graaf een derde deel; Hendrik bezegelt de oorkonde mede.

Vgl. het volgende nr. ZH 183 in het register.

Wi Willem^a grave ^b etc. maken cont ende kenlic allen luden^c. Want Zuindrecht dat men van ons houd, tienden, visscherien ende ambochten, langhe tijt ghereiden heeft^d ende onghedijct gheweest, ende onsen^e mannen ende luden diet van ons houden niet bediken en moghen wi en moten^f onse ghemene luden van onsen lande toe doen helpen, so sijn wi bi verzouken van Henric^g van Breederoden^h ende van sinen vrienden, dats te wetene onsen neve den here van Voerneⁱ, den here van der Lecke, heren Symon van Benthem, heren Daniel van der Merwede^j, heren Dideric^k Bokel ende anders sine vrienden met Heyric^l voirseyt over een ghedraghen sijn van heren Heyen lande in Zuindrecht^m, daer hi van ons houd alt ambochtⁿ te rechte leene ende die visscherien tote halven diepen omtrent tambocht vorseyt ende half den tiende in pachte, alse dat^o men diken sal ten Zeewesken^p rechte; uuit gheset die ene^q mensche doed, hi verboert lijf ende goed. Ende hier af sal Henric^r voirseyt^s hebben van ambochten ende van visscherien ende^t van tienden also groet alse hi se hadde de tuie dele ende wi tdarden deele, maer onse pacht van den tiende sal hi ons jaerlix gheven also groet alst beloept^u, ende die sal hi ons betalen te sulken daghe ende op sulc verbant alse sien brief spreect^v die hi van den abt^w van sinte Pouwels van Utrecht heft^x; ende wi sullen hebben half dat erve te vrien eyghen ende Henric^y voirseyt ende die ghene die in Haer Heyen land ghelant sijn ende wes de^z gront was die ander helft. Ende hier bi so zijn alle die brieve doet ende te niete die Henric^a' voirnoemt heft alse van ambochten, visscherien ende tienden die roeren moghen^b' van Haren Heyen^c' lande.

Ende omme dat wi Willem^d' grave voirnoemt ende Henric^e' voirseyt al dus over een ghedraghen zijn ende alle stucken vorscreven vast ende ghestade houden willen, soe hebben wi desen open brief bezeghelt met onser tuere^f' seghelen. Ghegheven op Assencion^g' dach int jaer ons Heren M CCC vijf ende twintich tote Sinte Ghertude^h' berghe.