Registers van de Hollandse grafelijkheid 1299-1345

Nicolaas van der Merwede, ridder, draagt ten overstaan van vijf met name genoemde grafelijke leenmannen enige tienden te Sliedrecht in vrij eigendom op aan graaf Willem III, voor een bedrag van 200 pond Hollands, met de bepaling dat hij dat goed in leen terug zal ontvangen wanneer hij die som vóór Pasen 1327 terugbetaalt; op zijn verzoek zegelen de genoemde leenmannen de oorkonde mee.

Vgl. het in het register volgende nr. ZH 201.

Allen den ghenen etc. make ic cont Clays van der Merewede^a, ridder, dat ic minen lieven here den grave van Heynegouwen^b ende van Holland^c etc. voren heren Jan^d van Cruninghe, heren Jan^e van Steenvoerde^f, heren Arnt^g van Gronevelt^h, ridderen, Willemⁱ dien camerling ende Mathijs^j Reynghers^k sone, sine manne, up ghedraghen hebbe in vryen eyghen tuschen twintich ende vier ende twintich morghen tiende legghende tote Slidrecht omtrent miere woninghe die ic van hem in lene te houdene plach, om twie hondert pond Hollands^l die hi mi Jan ser Gillijs^m f. zinen rentemeyster hevet doen leveren, in zulker manieren: es dat ic Jan ser Gillijsⁿ sone den rentemeyster vorscreven dese II^C lb. Hollands^o gheve tuschen dit ende Paeschen naest comende over een jaer, zoe zal mijn here die grave vors. mi desen tiende vorscreven weder verlien ende verlenen in allen manieren dat icken te voren hadde; ghave ic hem oec dat ghelt niet ten daghe vors., zoe mach mijn here die grave vors. den tiende vorscreven verlenen Jan ser Gillijs^p f. den rentemeyster vornoemt, jof wien hi wil.

In orconde etc. Ende om die mere zekerhede van allen dinghen vorscreven zoe hebbe ic ghebeden heren Jan^q van Cruninghen, heren Jan van Steenvoerde^r, heren Arnt^s van Gronevelt^t, ridderen, Willem^u den camerling ende Mathijs Renghers^v f., knapen vors., om dat sier over waren dat si desen brief open met mi beseghelt hebben. Ghegheven tote Zirixee^w up sente Nyclays^x avond int jaer ^y XXV^o.