Registers van de Hollandse grafelijkheid 1299-1345

Graaf Willem III belooft de gemene lieden wonend in het land van Heusden dat hij noch iemand anders een andere sluis zal leggen in de Maasdam dan die die er nu ligt, en dat zij zelf deze mogen verleggen op aanwijzing van de heemraden van de Grote Waard; hij garandeert dat zij op de Maas mogen blijven afwateren zoals zij altijd hebben gedaan.

Wi Willaem grave van Henegouwen^a etc. maken cond etc. dat wi den ghemenen luden die wonen in den lande van Hoesdenne^b beloft hebben ende beloven voir ons ende voir onse nacomelinghe dat wi nimmermeer bi ons zelven, bi heemraders noch bi el nemende^c up hem brenghen zullen noch ^d laten brenghen ander sluse noch ander waterscip dan die sluse van twie ende twintich voeten die si nu houden, ende leyt ^e in die Maesdam ane die zuytzide noirtwaert in den Maesdamme^f uterste van al den slusen; ende die zullen zi houden op die stede dar si nu leit, also groit als sise^g nu houden ende te hare hebben bracht, ende el negheine^h. Ende mochten sise op die stede niet houden daer si nu leit, so zullen ⁱ zise houden op ene ander stede dairt den heemeraet van den Groiten Waert^j goid zal denken. Ende hair water ghanc sal sinen ghanc ghane in die Mase, sonder yemans weder zegghen, als hie tot hare gheghaen heeft.

In oirkonde etc. Ghegheven tote Sinte^k Gheerden berghe int jaer ons Heren M CCC ende neghen op den Pijnster avend.