Registers van de Hollandse grafelijkheid 1299-1345

Graaf Willem III verklaart dat met zijn toestemming Willem van Duivenvoorde, zijn kamerling, diens echtgenote jonkvrouw Heilewijf, dochter van heer Zweder van Vianen, een lijftocht heeft geschonken van 500 pond zwarten Tournois, op te brengen uit diverse met name genoemde goederen; een aantal bij naam genoemde ridders en knapen treedt op als getuigen.

Wi Willaem^a grave van Heynnegouwen^b etc. maken cond allen luden dat Willaem van Duvenvoirde onse trouwe camerlinc met onser hand ghemact heft joncfrouwe Heylewijf sinen wive, heren Zueders^c dochter van Vyanen, toit horer lijftochte vijf hondert pond ^d zuarter Tornoyse^e sjaers, den groten over sestien penninghe gherekent, in manieren: waer dat sake dat Willaem storve eer si ende si ghene kinder en hadde bi Willame, so soude si behouden die vijf hondert pond zuarter Tornoyse sjaers tot horer lijftochte, mar storve Willaem eer si ende Willaem kinder bi hoir hadde, zo en soude si behouden mar vier hondert pond zuarter Tornoyse sjaers toit horer lijftochte.

Ende dese renten heeft hoir Willaem bewiset ende ghemact: op den tiende in die Liere die heren Vranken van Hoylede^f was tachtich pond zuarter Tornoyse sjaers; uten tiende toit Noetorp^g van achte hoeven^h dertich pond zuarter Tornoyse sjaers; uten tiende tote Haiswardsⁱ woude^j vijftich pond suarter Tornoyse sjaers die heren Pieters van Leyden waren; uter tollen van Niemands vriend^k vijftich pond zuarter Tornoyse ^l die Jans van Brandenborch waren; uter tollen van Ammers ses ende dertich pond zuarter Tornoyse sjaers^m die Florens van Juitfaesⁿ waren; ute den dertien morghen lands in Maselander^o ambocht die Jan^p Coppen soens waren twie ende twintich pond zuarter Tornoyse sjaers; uten vere van Alemonde, tinse^q ende ene morghen lands dair thuys op staet ses ende vijftich pond suarter Tornoyse sjaers; uten vere in den Polre sestien pond zuarter Tornoyse sjaers; ute den smaeltiende van Almonde ende van Dubbelmonde viertich pond suarter Tornoyse sjaers; uten Gheerlande^r vijftich pond zuarter Tornoyse sjaers; ute den coren^s tiende van Almonde ende van Dubbelmonde boven dien dat Willaem cofte jeghens Willaem^t van Horne^u tseventich pond zuarter^v Tornoyse sjaers. Dit coemt in ^w summe vijf hondert pond zuarter Tornoyse sjaers; ende waer dat sake dat dit goed voirscreven sjaers meer renten danne joncfrouwe Heylewijf^x lijftochte jaerlix beliepe, dat souden op boren^y Willaems^z kindere jof die ghene dairt met enen rechte op quamen.

Hier over waren onse lieve ende ghetrouwe hair Daniel^a' van der Merewede^b', hair Dieric borchgrave van Leyden, hair Arnt^c' van IJselsteyne^d', hair Jan van den Sile^e', ridderen, Jan van Arcle, Jan van Polanen^f', Mathijs Renghers^g' sone ende Enghebrecht van Voirscoten^h', knapen. Ende in deser lijftochte voirscreven gheloven wi te houden joncfrouwe Heylewijf voirseyd als wi sculdich sijn te doene na sede ende custume van onsen lande.

In oirkonde etc. Ghegheven toit Sinte Gherden^i' berghe^j' op sinte Marcus^k' dach ewangeliste int jaer ons Heren M CCC zeven ende twintich.