Registers van de Hollandse grafelijkheid 1299-1345

Willem van Horn, heer van Altena, beleent volgens een uitspraak van graaf Willem III jonkvrouw Elizabeth Jansdr. van der Merwede, echtgenote van Dirk van der Made, die heeft afgezien van al haar aanspraken jegens hem, met 40 pond zwarten Tournois per jaar uit de opbrengst van land te Uitwijk; de oorkonde wordt meebezegeld door de graaf.

Zie nr. ZH 267 alsmede Van Mieris, ChHZ II, p. 432, de uitgave van de overeenkomst die op dezelfde datum gesloten is tussen Willem van Horn en Elizabeth Jansdr. van der Merwede.

Willaem van Horne here van Outena maken kond ende kenliken allen luden. Want joncfrouwe Lisebeth Jans dochter van der Merwede^b, Dierix wijf van der Made, ons quite ghescouden heeft ende vertheghen van allen dien goede dat si ons heyscende was tote desen daghe toe ende daer si ende wi onderlinghe omme twyeden, overmids zegghen ons lijefs^c heren sgraven van Henegouwen^d ende van Holland, zoe hebben wi der vorseyder joncfrouwen verlient ende verleenen med desen brieve hoir ende hoiren na comelinghen viertich pond zwarter Tornayse tsjaers, den groeten over zestien penninghe gherekent, van ons ende van onsen na comelinghe te liene te houden ten Brabansken rechte, ende dese vorseyde viertich pond Tornayse sjaers hebben wi hoer bewijst alle jare in tenemen tote Paesken^e up onse gheheel telinghe^f tote Uitwijc, die groet es jeghens achte ende viertich marghen lants jof daer omtrent. Ende wat die telinghe beter es dan XL pond Tornayse vorseyt tsjaers, dat sullen wi selve behouden; ende waer si in eenich jaer dilder, dat soude wi selve up rechten van onse andren goede, in manieren soe wilke tijt wi willen dat wi dese vorseyde renten lossen moghen telken Bamissen^g met vier hondert pond Tornaysen payments voerscreven.^h

In orkonden desen brieve bezeghelt met onse zeghel; ende omme die meerre zekerhede zoe hebben wi ghebeden onsen lieven here den grave van Henegouwenⁱ ende van Holland dat hi desen brief met ons beseghelen wille. Ende wi Willem grave van Henegouwen^j, van Holland^k, van Zeeland ende here van Vrieseland hebben omme bede Willaems vors. ende omme die meerre zekerheyde desen jeghenwordighen brief bezeghelt met onsen zeghele. Ghegheven in die Haghe up sente Marien Magdalenen dach int jaer ons Heren M^o CCC^o zeven ende twintich.