Registers van de Hollandse grafelijkheid 1299-1345

Catharina vrouwe van Voorne en van Teilingen geeft Antonis heer Gijsbrechtsz., knaap, het recht om de 6 morgen land, die hij in het ambacht Alblas van haar in leen houdt, als recht erfleen te vererven op zijn zoon Gijsbrecht of andere nakomelingen.

Vgl. nr. ZH 270.

Wi Katerine vrouwe^b van Voerne^c ende van Teylenghen^d maken kenlic allen luden dat wi die zes morghen lants die Anthonijs heren Ghijsbrechts^e sone onse knape nu ter wilen van ons houdt, ende gheleghen sijn in onsen ambochte van Alblaes up die Oesternesse^f, verleent hebben ende verleenen na Anthonijs doet voers. te comen op Ghijsbrechte^g zinen zone dien hi hevet bi Margrieten^h Pieter Canne coepers dochter, ende dese vorseyde Ghijsbrechtⁱ zal houden dese vorseyde zes morghen lants van ons ende van onsen nacomelinghen tot eenen rechten arfleene; ende waer dat zake dat Ghijsbrecht^j voernoemt storve zonder witttachticher^k gheboerten, zoe zouden dese vorscreven^l zes morghen lants comen up des voerseyt Anthonijs oudste arfnamen, ende die zoudense houden van ons ende van onsen na comelinghe tot eenen rechten erfleene.

Ende omme dat wi willen dat alle dese vorscreven dinghen vaste ende ghestade bliven, zoe hebben^m wi desen opene brief vor ons ende vor onse na comelinghe beseghelt met onsen zeghel, int jaer ons Heren M CCC^o XXVI des saderdaechs na sente Bonefaesⁿ dach.