Registers van de Hollandse grafelijkheid 1299-1345

Graaf Willem III geeft Jan, zoon van zijn maarschalk Gerard Rottier, het eerst vrijkomende schroodambacht in Dordrecht.

Wi Willaem^a grave ^b etc. maken cond allen luden^c dat wi om trouwen dienst die ons Gheraerd^d Rottier onse marscalc ghedaen hevet ende noch doen zal, ghegheven hebben ende gheven Janne sinen sone dat eerst scroetambocht dat ons Tordrecht^e verscinen zal met allen rechte dat dien scroetambochte toebehoirt, behouden alsulker ghiften als wi hier voirmaels dair of ghegheven hebben met onsen open brieven; ende ombieden allen den scroeders die dan wesen zullen dat si Janne voirs. ontfaen in horen^f gheselscip ende hem ghebruken laten ende uyt reken alsulc recht alser toe hoirt, ende des niet enlaten.

In orkonde etc. Ghegheven Tordrecht^g des zatersdaghes op sinte Jacobs dach int jaer ons Heren M CCC zeven ende twintich.