Registers van de Hollandse grafelijkheid 1299-1345

Graaf Willem III bevestigt dat met zijn toestemming Willem de Cuser diens echtgenote jonkvrouw Ida een lijftocht heeft geschonken uit leengoed gelegen in het ambacht van heer Ogier van Kralingen, te weten de helft van een huis met boomgaard, van een molen en van bijbehorend land, en hij belooft haar in die lijftocht te zullen handhaven.

Wi Willaem^b grave etc. maken cond allen luden dat Willaem^c die Cuser met onser hand ghemaect heft jonfrouwe^d Yden zinen wive toit hore lijftochte uyt den goede dat hi van ons hout, ende gheleghen es in heren^e Odsiers ambocht van Cralinghe tusken Willaems^f Vinken^g lande ane die ene side ende Dieric Eemsen soens lande ane die ander zyde, half die huzinghe binnen der uterster graften metten boemgarde ende half die molen die dair voir bi den dike staet, ende noch voirt die minre helfte van alle dien lande dat dair toe behoert; in wilker lijftochte voirscreven wi gheloven te houden joncfrouwe Yden voirs. na sede ende na coustume van onsen lande.

In oerkonde etc. Ghegheven tote Valenchien^h op sinte Niclaysⁱ dach int jaer ons Heren M^o CCC^o XXVII^o.