Registers van de Hollandse grafelijkheid 1299-1345

Graaf Willem III schenkt meester Pieter van Scherpenisse de timmerman zolang die leeft een jaarrente van 8 pond Hollands, uit te keren door de rentmeester van Zuidholland, alsmede een paar kleren per jaar, met de bepaling dat Pieter voor hem zal werken op zijn huizen en elders in Zuidholland, voor welke diensten een onkostenvergoeding per dag wordt vastgesteld.

Vgl. nr. ZH 413.

Wi Willaem^a grave van Heynnegouwen^b etc. maken cond etc. dat wi omme goeden dienste die ons meister Pieter van Scerpenisse^c die timmerman ghedaen heeft ende noch doen sal, hem ghegheven ^d hebben ende gheven met desen brieve tote sinen live alse langhe als hi leven sal achte pond ^e Hollands^f sjaers, den groten coninx Tornoyse^g over achte penninghe ^h gherekent, te betalen elcs jaers tote sinte Mertijnsⁱ messe in den wintere^j, ende een paer cledere elcs jaers alsulc als hem toe behoirt; ende onbieden onsen rentemeister^k van Zuytholland^l die nu es jof hier naemaels wesen sal dat hi hem die betale toten termine voirscreven. Ende hier bi soe sal meister Pieter ons dienen oppe onsen husen ende elwair binnen Suytholland^m wair wijs te done hebben ende begheren tote onsen vermanen of ons borchgraven van onsen huse tote Sinteⁿ Gheertruden berghe met sinen arbeyde ende met sire consten, in der manieren soe wannere dat hi ons weercht^o soe sel hi hebben van Half vasten tote sente Martijns^p misse toe in den wintere elcs daghes achtien penninghe Hollands^q, ende dan voird van sinte Mertijns^r misse in den wintere weder tote Half vasten sel hi hebben elcs daechs viertien penninghe Hollands^s in zijns selves coste wannere dat hi werct; sonder slechte ^t archeit.

In oirkonde etc. Ghegheven tote Sente^u Gheerden berghe op Assensioens^v avond int jair ons Heren M^o CCC^o XXVIII^o.