Registers van de Hollandse grafelijkheid 1299-1345

Graaf Willem III verleent op verzoek van heer Gwijde van Vlaanderen en diens echtgenote vrouw Beatrijs, heer en vrouwe van Putten en Strijen, de inwoners van het land van Putten en Strijen tolvrijheid binnen Holland en Zeeland, uitgezonderd voor goederen gekocht beneden Keulen en Venlo en voor zout vervoerd voorbij de bovenste tol, en behoudens de voorrechten die eerder aan zijn vrije steden en aan hen zelf waren gegeven.

Wi Willaem^a grave van Heynnegouwen^b, van Holland^c etc. maken cond etc. dat wi omme goeden ghetrouwen dienste die ons hair Nyclays^d here van Putte ende van Striene voirmaels ghedaen heeft, ende omme bede willen ons neven heren^e Ghyen van Vlaenderen^f, here van Putte ende van Striene, ende veren Beatricen^g vrouwe van Putte ende van Striene, sinen wive, ghegheven hebben ende gheven med desen brieve haren luden wonende binnen haren lande van Putte ende van Striene alse verre alst van ons roert tollen vry te varen med haren goide al onse land doir van Holland^h ende van Zeellandⁱ, behouden alsulken hantvesten alse onse voires^j ende wi hier voirmaels onsen vrien steden ghegheven hebben, ende behoudenlike dat sine gheene goid en sullen ^k coepen oppe den stroem beneden den hoeghesten markeden, dat es Colne^l ende Venlo^m, sine sulre tolne of gheven, ende dat si gheen sout op waird voeren sullen boven onser opperste tolne, sine sulre tolne of gheven; ⁿ ende onse verstandnesse is, hebben si enighe andere brieve jof betoech van ons jof van onsen ouders sonder archelijst, dat die hier mede niet ghecrant^o en sullen woirden.

Ende omme^p dat wi willen dat dese dinc voirscreven vaste ende seker bliven ghehouden ewelike durende sonder archlist van ons ende van onsen nacomelinghen hem ende sinen nacomelinghen, soe hebbe wi desen brief open bezegheld med onsen seghel. Ghegheven in die Haghe des woensdaghes voir Pinxter int jair ons Heren M^o CCC^o acht ende twintich.