Registers van de Hollandse grafelijkheid 1299-1345

Graaf Willem III schenkt zijn knaap Jan Borgois het eerst vrijkomende schroodambacht in Dordrecht.

Wi Willaem^a grave van Heynnegouwen^b, van Holland^c etc. maken cond etc. dat wi Janne Borgois onsen knape^d omme menighen trouwen dienst die hi ons ghedaen heeft ende noch doen zal, hebben ghegheven ende gheven med desen brieve dat eerste scroidambocht dat ons verscinen zal in onser stede van Dordrecht^e, behouden onser brieve die wi hier te voeren ghegheven hebben hors^f rechts die wi willen dat voir gaen; ende ombieden den ghesellen van den scroidambochten voirscreven die nu sien of naemaels wesen sullen alst hem verscinen sal, dat sine ontfaen alze toit horen gheselle ende hem gheven alsulc recht als hem dair of vervallen sal moghen, ende hier omme zoe sal hi doen alsulken dienst als andere^g ghesellen doen van horen ambocht.

In orkonde etc. Ghegheven des sonnendaghes na sinte Katerinen dach int jaer ons Heren M^o CCC^o XXVIII^o.