Registers van de Hollandse grafelijkheid 1299-1345

Graaf Willem III beleent zijn deurwachter Schildman met 10 pond Hollands per jaar uit Heloord, waarvoor deze gewapend zal dienen op zijn huis van Geertruidenberg wanneer hij daartoe gemaand wordt.

Wi Willaem^a grave van Heynnegouwen^b etc. maken cond etc. dat wi ghegheven hebben ende gheven Scildman onsen doerwaerder tien pond Hollands^c sjaers in rechten liene van ons te houden, ende bewisen hem die jaerlix in te nemen op Helloerd^d; ende ghebrect hem daer yet ane, dat bewisen wi hem ane onsen rentemeister van Zuutholland^e die nu es jof wesen zal dat hijt hem jaerlix voldoe. Ende hier bi sal hi altoes ghereet wesen jof sijn rechte lien volghere^f, so^g wilc^h tijd dat wi jof onse nacomelinghe jof onse burchsaet te doene hebben van onsen huze van Sinteⁱ Gheertrude berghe, med horen harnasche te comene op onse burch voirs. omme^j te houdene ende te helpen hoeden toit onser behoef alsoe langhe als te doene es, op onsen cost, ende alsulke stucken dar toe te doene als men sculdich es te doene van burch liene.

In orkonde desen brieve etc. Ghegheven tote Sinte^k Gheertrude berghe des sonnendaghes voir sinte Thomaes dach apostels^l int jaer ons Heren M^o CCC^o XXVIII^o.