Registers van de Hollandse grafelijkheid 1299-1345

Graaf Willem III beleent Jacob de Schrijver met 10 morgen land in het gerecht van Langerak.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Wi Willaem^a grave etc. maken kond etc. dat wi Jacob den Scriver verlient hebben tien morghen lands die Diederix^b Henrix^c soens waren van Juitfais^d, ende daer Pouwels tolnair van Ammers onse knape den eyghendom of ontfaen heft tonser behoef, van ons te houden ten rechten liene, ende gheleghen zien in onsen gherechte van Langherake dat Henric^e van der Lecke van ons houd, bi wilken tien morghen lands gheleghen es ane die neder zide onse lieve broder her Jan van Heynnegouwen^f met zinen lande dat Jonghe Brien van hem houdet ende aen die over zide zoe leghet Daem^g uten Nesse met zinen lande op ghaende metten over ende in die Lecke ende metten nederen ende ane die Stenender^h, met egghen ende met enden alsoe als zi gheleghen zien.

In oirkonde etc. Ghegheven tote Zierixeeⁱ des manendaghes na Grote vasten avond int jaer ons Heren XXVIII^o.