Registers van de Hollandse grafelijkheid 1299-1345

Graaf Willem III verkoopt Jan heer Gillisz., poorter van Dordrecht, jaarrenten op twee erven ter hoogte van in totaal 40 schellingen Hollands per jaar, voor een bedrag van 40 schellingen groten Tournois.

Wi Willaem^a grave van Heynnegouwen^b etc. maken cond etc. dat wi vercoft hebben Janne heren Gillijs sone, onsen poirter van Dordrecht^c, neghen ende dortich^d scellinghe ende zes penninghe Hollands^e jaerlix renten in den erve dair Martijn Marselijs^f sone op plach te wonen in sinen lesten live, ende zes penninghe Hollands^g jaerlix renten in den erve dair Melijs Eghens sone op wonet, die wilke renten voirs. ons ane comen es ende verstorven van Janne Gherards^h sone van der Merwedenⁱ, omme viertich scellinghe groter^j Tournoyse^k dair hi ons goede rekeninghe of doen zal; ende die sullen wi hem waren alse een vry goit.

In orkonde etc. Ghegheven in den Haghe des woensdaghes na sente Lambrechts dach int jaer ons Heren M^o CCC^o neghen ende twintich.