Registers van de Hollandse grafelijkheid 1299-1345

Graaf Willem III verkoopt de goede lieden wonend in het ambacht Besoijen de overmaat, zoals die aldaar is gevallen bij de laatste opmeting; voorts schenkt hij hun de vrije afwatering van de betreffende gronden.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Vgl. nr. ZH 322.  Vgl. voorts nrs. ZH 375-377.

Wi Willaem^a grave etc. maken cond etc. dat wi vercoft hebben onsen goeden luden ghemeenlike die wonachtich sien in den ambocht van Bysoyen alsulke over mate als dair ghemeten was doemen dair achterste van onse weghen mat, dair die mate of beghonde ane toistende van den dike oppeghaende toten niewen weghe toe, ende dair die niewe wech ende nemt, ghinc die mate westwart van den dike oppe twe hondertich roeden boven der herestrate; ende dese over mate alse^b groete ende also cleyne alse dair ghevallen es, sullen wi ende onse nacomelinghe hem ende die ghene die na hem comen sullen alse een vri eyghen arve waren^c, ende dair of en sullen si^d diken noch dammen. Voirt so gheven wi hem enen waterghanc dat erve te wateren vrilike dair hoir ander erve water^e, sonder horen cost; ende dat wi noch onse nacomelinghe nimmermer ghene over mate ^f meer hebben en sullen binnen desen palen voirscreven, sonder archlist.

In orkonde etc. Ghegheven toit Sente Gherden^g berghe des satersdaghes voir onser Vrouwen dach verholen^h int jaer XXX^oi.