Registers van de Hollandse grafelijkheid 1299-1345

Graaf Willem III kent Jan Vriendekijn, proost van Wassenberg, voor de duur van diens leven een jaarrente toe van 50 pond Tournois uit de tol van Niemandsvriend.

Wi Willaem^a grave etc. maken cond etc. dat wi heren Janne Vriendekijn proist van Wassen burch^b, onsen trouwen clerc ende goeden vriend, om trouwen dienst die hi ons ghedaen hevet ghegheven hebben ende gheven mit desen brieve toit sinen live jaerlix toit sente Martijns^c misse in den winter^d te heffen ende te ontfanghen ute^e onser tolne te Niemansvriend vijftich pond Tornoyse^f, den groten Tornoyse^g voir sestien penninghe; ende ombieden onsen rentemeester van Zuytholland^h ende onsen tolnairs van Niemans vriendⁱ die nu sien jof namaels wesen sullen dat si sonder ander ghebot van ons te hebben den proist voirscreven jof sinen^j ghewarden bode toit sinen behoef elcs jaers toit sente Martijns^k misse voirs. die^l voirs. renten alse langhe als hi levet uytreken ende betailen, ende dair of nemen sinen openen brief van quitantie jeghens ons mede te rekenen.

In orkonde etc. Ghegheven toit Dordrecht^m des donresdaghes na Paysdach int jaer ons Heren M CCC XXXI.