Registers van de Hollandse grafelijkheid 1299-1345

Graaf Willem III verkoopt Hugeman Willemsz. van Wendelnesse de overmaat ter grootte van 6 morgen en 1 hond in het ambacht Over-Waspik in het ambacht van heer Willem van Duivenvoorde.

Wi Willaem^a grave etc. maken cond etc. dat wi vercoft hebben bi Jan sheren Gillijs f.^b hand, ons rentemeesters van Zuitholland^c, Hughemanne Willaems^d f.^e van Windelsnesse, dier ons of betailt heeft ende ghenoch ghedaen bi onsen rentemeester voirscreven, die sesse morghen ende een hond lands die wi hebben legghende in den ambochte van Over Waspike in sheren Willaems^{f g} ambocht van Duvoirde^h int uterste weer van den ambochteⁱ voirscreven op dat westende, die ons ane quamen van der overmate nu doe wi lest warf dair deden meten; ende dit land also alst voirscreven es gheloven wi hem ende sinen arfnamen te waren ende te vrien ghelike anders den gheburen uten ambochte voirghenoemd, dair si onse opene brieve of hebben van der over mate die si jeghens ons ghecoft hebben.

In orkonde etc. Ghegheven toit Sente Gherden^j berghe op sente Jorijs dach int jaer XXXI^ok.