Registers van de Hollandse grafelijkheid 1299-1345

Graaf Willem III schenkt meester Pieter de timmerman, die in een brand te Dordrecht veel schade had geleden en waarbij ook een eerdere schenkingsoorkonde verloren was gegaan, 10 pond Hollands en een paar kleren per jaar, waarvoor meester Pieter op het grafelijk huis te Geertruidenberg en elders werkzaamheden zal verrichten wanneer hij daartoe wordt opgeroepen, tijdens welke dienst hij kostgeld zal ontvangen.

Vgl. nr. ZH 285.

Wi Willem^a grave etc. maken cond etc. Want wi meester Pieter den timmerman hier voirmails ghegheven hadden VIII lb. Hollands^b sjaers ende een pair cleedere, die wilke wi hem bewiset hadden ane onsen rentemeester van Zuytholland^c bi onsen brieven, wilke brieve hi seyde dat verberneden in den tyden dat barnede tote Dordrecht^d bi der scepenen huys doen sijn huys verbarnede^e, wair omme wi omme Goids willen ende omme sijns dienst willen ende omme den groeten scade die hi nam in den brande voirs., soe hebben wi hem weder ghegheven ende bewiset med desen brieve alsoe langhe als hi levet X pond Hollands^f sjairs ende een pair cleedere, in sulker manieren dat zoe wanneer wi of onse burchsate van onsen huse toit Sente^g Gheerden berghe^h sijns te doene heeft op onsen huse te Senteⁱ Gheerden berghe^j of elwair dat onse burchsate sijns te doene heeft, soe sal meester Pieter voirs. dair comen omme te doene^k al sulke saken als men hem bevelen sal ende sinen ambochte toe behoirt, sonder archlist; ende zoe wanneer dat meester Pieter voirscreven in onse dienste jof in ons burchsaten dienst voirscreven es, zoe sal hi hebben sinen redeliken cost van eten ende van drincken. Ende ombieden onsen rentemeester van Zuytholland^l die nu es ofte^m namails wesen sal dat hi meester Pieterⁿ voirscreven uyt reke ende betale alle jare die X lb. Hollands^o sjairs ende een pair cleedere alsoe langhe als hi levet.

In orkonde etc. Ghegheven in die Haghe des manendaghes na sinte Pieters dach ingaende oichste int jair ons Heren M CCC XXXII^o.