Registers van de Hollandse grafelijkheid 1299-1345

Graaf Willem III keurt de verkoop goed van het schroodambacht te Dordrecht dat hij op 16 maart 1325 aan Margareta Boudewijnsdr. geschonken had, en verleent de koper, Nicolaas Lompen, de gunst dat, mocht deze komen te overlijden voor een schroodambacht vrijkomt, het recht op diens zoon Dirk zal overgaan.

Vgl. nr. ZH 172, de oorkonde waardoor de onderhavige was gestoken, alsmede nr. WI 258.

Wi Willaem grave van Heynnegouwen^a etc. maken cond etc. dat wi des zaterdaghes voir Midvasten int jair ons Heren M CCC vier ende twintich^b omme bede willen ons lieves ende ghetrouwen heren Nyclais abts van Middelburch^c doe ter tijd gaven Margrieten, Boudijns sijns broeders dochter, dat eerste scroitambocht dat ons toit Dordrecht^d verscinen soude ende dat wi voir die tijd niet wegh ghegheven en hadden. Wilc scroitambocht Margriete voirnoemd vercofte heren Janne heren Heynen sone ende leverde hem hoiren brief dair of, wilken coep wi niet consenteren en wilden; doe scout hair Jan voirs. den coep quite ende leverde heren Janne des abts neve, Margrieten broeder voirs., hoiren brief weder. Dair na quam hair Jan, Margrieten broeder voirscreven, ende vercofte dit scroitambocht Clais^e Lompen in alle den rechte dat Margriete^f hadde, ende leverde Claise^g dair of Margrieten brief dien si dair of hadde, dair dese doir ghesteken es. Wilken coep wi consenteren ende ghestade houden, ende hebben Clais Lompen te gratien ghedaen: wair dat sake dat hi storve eer dit ambocht verscene, soe soude Dieric Clais Lompen sone wesen in alle den rechte van den scroitambochte dat Clais gheweest soude hebben, hadde hi selve ghelevet.

In orkonde etc. Ghegheven toit Dordrecht^h des woensdaghes na Beloken Paischen int jair ons Heren M CCC drieⁱ ende dortich.