Registers van de Hollandse grafelijkheid 1299-1345

Graaf Willem III waarborgt de eigendom van een hoeve land te IJsselmonde dat heer Dirk Bokel, Dirk de Visser en Floris broer van heer Dirk gekocht hadden van Olivier Roelandsz., die dit goed verkocht ter afbetaling van een derde part van een zoengeld dat hem en zijn zoon Stoep was opgelegd vanwege de door hen gepleegde doodslag in IJsselmonde op Heinekijn Hendriksz.

Wi^a Willaem grave van Heynnegouwen^b etc. maken cond etc. dat Olivier Roelands sone over mids den doit slach die hi ende Stoep sijn sone deden toit IJsselmonde^c ane Heynkijn Heynrix^d sone, dair Arnt van den Dorpe onse baliu een segghen of seyde ende dat Olivier ende Stoep sijn sone gheloveden te houden op hoir lijf ende op hoir goed, dair si die twee deele van der zoene of betailt hadden ende voir terdendeel rumeden si tland. Dair na quamen si bi gheleide beyde van ons ende van den vyanden in den lande, ende Olivier vercofte bi onsen goeddenken eene hoeve lands die hi legghende hadde toit IJsselmonde int oyst ende van Ghisebrechts^e Bokels^f ambochte heren Dieric Boekel^g, Dieric den Vischer ende Florens heren Dierix^h broeder omme eene somme van penninghen, die ghelyede voir gherechte toit IJsselmonde dat hem of voldaen was, ende gaf hem dair of eene vrye ghifte voir den rechter ende voir den heymraet, ende Herman van Zwetenⁱ gaf hem mede den eyghendom van onsen weghen alse verre alst ons toe behoirde; wilken eyghendom wi hem gheloven te waren alse^j recht es.

In orkonde etc. Ghegheven Tordrecht^k des dinxendaghes na der octave van Paischen int jair ^l XXXIII^o.