Registers van de Hollandse grafelijkheid 1299-1345

Graaf Willem III beleent heer Gozewijn van Rossum, ridder en meester van de herberg van de gravin, met een jaarrente van 100 pond Tournois uit de tol van Niemandsvriend, of in plaats daarvan uit ander goed; voorts bepaalt hij de vererving van dit leen.

Wi Willem^a grave van Heynnegouwen^b etc. maken cond etc. dat wi heren Goswijn^c van Roshem, onsen trouwen ridder ende meester van der herberghe onser liever ghesellinnen der gravinnen van Heynnegouwen^d etc., omme menighen trouwen dienst die hi^e ons ghedaen heeft^f ende noch doen zal, ghegheven hebben ende gheven med desen brieve hondert pond Tornoyse^g tsyaers, den groten over XVI d. gherekend, in rechten liene van ons te houden, in manieren dat na^h sire doet comen zal up sinen ousten wittighen sone; liet hi ghenen wittighen zone, up sine ouste wittighe dochter, ende die salt vord houden ten rechten lene. Ende dese hondert pond Tornoiseⁱ tsyaers die bewisen wi hem alle jare in te nemen tot sinte Martins^j messe in den winter^k uyt onser tolne te Niemensvriend; ende ombieden onsen tolnaren te Niementsvriend^l die nu sien jof namails wesen zullen dat size hem alle jare uut reyken tot sente Martins^m messe vorscreven. Vort zo wilc tijt ons jof onsen nacomelinghen goed denket jof dat heren Goswinⁿ vors. goid denket, soe moeghen wi heren Goswin^o vors. dese C lb. Tornoyse^p tsyars vors. bewisen in Zuytholland^q jof in Northolland^r an anderen goede dart hem also zeker es als in die tolne te Niementsvriend^s; ende alse wijt hem bewiset hebben, zo sullen dese C lb. Tornoyse^t tsyaers te Niements vriend^u vry ende quite wesen.

In orkonde etc. Ghegheven in den Haghe des donresdaghes na sente Baven dach int jair ons Heren M^o CCC^o XXXIII^o.