Registers van de Hollandse grafelijkheid 1299-1345

Graaf Willem III verkoopt de heer van Arkel, ridder, een halve, nader omschreven hoeve land aan de Vlist in vrij eigendom.

Vgl. nr. ZH. 453.

Willem^a grave ^b etc. maken ^c etc. dat wi bi heren Daniel van^d der Marwede onsen bailiu van Zuytholland^e vercoft hebben te vryen eighen den here van Arkel, onsen trouwen ridder, eene halve hove lands legghende an die Vlist binnen desen marken: Jans land van der Ghoude an die nortside, Dieric^f Ghizebrechts^g f. land an die zuytside, upt west ende die Vlist ende upt oistende Honecoiper^h zuytwinde, die ons ane quam van Gherijt den Zuarten, die onse bede sculdighe man was, om eene somme van penninghen dar hi heren Daniel vors. tot onser behouf ghenoech of ghedaen heeft; ende wi gheven den here van Arkel vors. van desen vorscreven lande enen vrien eighendom mid desen brieve, ende gheloven hem dienⁱ te waren als men een vry eighen sculdich es te waren.

In orkonde etc. Ghegheven Tordrecht^j des manendaghes vor sente Symon ende Juden dach int jair van XXXIII^o.