Registers van de Hollandse grafelijkheid 1299-1345

Graaf Willem III kent zijn clericus Wenemar van den Broek voor de duur van diens leven een jaarrente toe van 50 pond zwarten Tournois uit alle inkomsten van Zuidholland.

Vgl. nr. ZH 469. Toen die tekst werd geregistreerd, zal ook de onderhavige oorkonde zijn ingeschreven in het register.

Wi Willaem^a grave van Heynnegouwen^b, van Holland^c, van Zeland ende here van Vriesland^d maken cond allen luden^e dat wi omme menighen trouwen dienst die ons Wenemair^f van den Brouke onse clerc ghedaen heeft, hem hebben ghegheven ende gheven voir ons ende voir onse nacomelinghe vijftich pond swarter Tornoyse, den groeten coninx Tornoysen^g van Vranckerike over zestien penninghe gherekent, jairlixer renten also langhe als hi levet, alle jare up te heffen ende in te nemen up sinte Martijns dach in den winter^h ane alle onseⁱ renten ende opvalle van Zuitholland^j; wair omme dat wi onbieden onsen rentemeester van Zuitholland^k die nu is jof diere na sijn sal dat hi alle jare up den voirsproken sente Martijns dach uit gheve ende betale den voirsproken Wenemair jofte sinen ghewairden bode, sonder eenich ander ghebot van ons jof van onsen nacomelinghen te hebben, die voirseyde vijftich pond swarter Tornoyse tsjairs, ende neme quitancie van hem mede te rekenen.

Ende omme dat wi willen dat dit vaste ende ghestade blive, soe hebben wi desen brief open beseghelt mit onsen zeghele uit hanghende. Ghegheven tote Valenchijn des sonnendaghes na Pinxter dach int jair ons Heren M^o CCC^o drie ende dortich.