Registers van de Hollandse grafelijkheid 1299-1345

Graaf Willem III geeft zijn klerk Gerard Alewijnsz., die met grote onkosten een deel van Zwijndrecht heeft bedijkt, toestemming om alleen, met zijn vrienden of samen met Jan Wissenz. een parochiekerk te stichten in Gerards ambacht aldaar, van welke kerk de ambachtsheer het patronaatsrecht zal blijven houden.

Vgl. nr. ZH 485.

Willem^a ..grave^b van Heynnegouwen^c, van Holland^d, van Zeeland ende here van Vriesland^e maken cond allen luden^f. Want in Zuindrecht ghene kerke en is ende Gherard^g Alewijns sone, onse clerc, een sestiendendeel van alle den ambocht van Zwindrecht^h met groeter zuare cost ghediket hevet ende gherne in rusten soude wesen ende bi hem selven, soe gheoirloven wi hem ende gheven hem macht voir ons ende voir onse nacomelinghe bi hem selven ende sinen vrienden jof med Jan Wissen sone ghemeene eene prochykerke in Gherardsⁱ ambocht voirs. te maken also verre als hijt toe brenghen mach, in manieren dat hi ende sine nacomelinghers diet ambocht^j hebben die presentacie^k van der kerken behouden sullen; ende wi beloven hem voir ons ende voir onse nacomelinghers dat wi den ghenen die si ons presenteren die collatie van der voirseyder kerken gheven sullen, also verre als hijs in reden wairdich es.

In oirconde desen brieve bezeghelt met onsen zeghele. Ghegheven tote Hoichstraten^l des dinxendaghes na Alre heylighen dach int jair ons Heren M^o CCC^o vier ende dortich.