Rijmkroniek van Holland (366-1305)

Contact

in de marge, deels bedekt door de lombarde, een representant v de eerste e klein boven de u geschreven de eerste d verbeterd uit t de eerste e klein boven de u geschreven d verbeterd uit een bovenschacht de tweede t klein bovengeschreven m verbeterd uit een gebogen haal, mogelijk de aanzet van een e er staat tg’; de g zal wel als een ronde s moeten worden opgevat t klein bovengeschreven

Vergelijk regels 11454 tot en met 11503

		Handschrift C (ga naar pagina)		Handschrift B (ga naar pagina)		Handschrift A (ga naar pagina)




11454		Dat her witte comen was		Dat her witte comen was		Dat haer witte comen was

11455		Doe wort men te rade das		Doe wart men te rade das		Doe wordemen te rade das

11456		Dat hi stille ende ouerluut		Dat hi stille ende ouerluut		Dat hi stille ende ouer luut

11457	VIII 1125	Sine brieue sende wt		Sine brieue sende wt		Sine brieue sende vut

11458		Jn allen steden an allen lieden		Jn allen steden an alle lieden		Jn allen steden an allen lieden

11459		Ende dede dat dat mede bedieden		Ende dede dat mede bedieden		Ende dede hem daer mede bedieden

11460		Dat hi inden lande ware		Dat hi inden lande ware		Dat hi inden lande ware

11461		Ende hi stille ende openbare		Ende hi stille ende openbare		Ende hi stille ende openbare

11462	VIII 1130	Woude die saken onderstaen		Woude die saken onderstaen		Woude de zaken onderstaen

11463		Woud sijt met hem anegaen		Wouden sijt met hem ane gaen		Wouden sijt met hem ane gaen

11464		Uoer middach was dit bescreuen		Uoer⁴⁰⁴ middach was dit bescreuen		Uoer middach was tit bescreuen

11465		Ende sander daghes wast bedreuen		Ende tsanders daghes waest bedreeuen		Ende tsanderdaghes waest bedreuen

11466		Dat alle die porten screuen so		Dat alle die porten screuen soe		Dat alde porten screuen so

11467	VIII 1135	Dat zijs waren vro		Dat sijs waren vroe		Dat si sijns waren vro

11468		Ende watter was ghesworen		Ende watter was ghesworen		Ende wat datter ware ghesworen

11469		Dat algader was verloren		Dat algader was verloren		Dat al gader ware verloren

11470		Si woudent met hem auenturen		Si woudent met hem auontueren⁴⁰⁵		Si woudent met hem auonturen

11471		So wat dats hem mochte geburen		Soe wat dats hem mochte bueren⁴⁰⁶		So wat dachs hem mochte gheburen

11472	VIII 1140	Dit was dantworde van hem allen		Dit was tantworde⁴⁰⁷ van hem allen		Dit was dantworde⁴⁰⁵ van hem allen

11473		Hier binnen ist also gheuallen		Hier binnen eest alsoe gheuallen		Hier binnen eist also gheuallen

11474		Dat te delf keren begonden		Datte delf keren begonde		Dat te delf keren begonde

11475		Ende oec opten seluen stonden		Ende oec opten seluen stonde		Ende oec op de zelue stonde

11476		Dordrecht al in roere waert		Dordrecht al in roere wart		Dordrecht al in roeren wert

11477	VIII 1145	Ende voeren metter vaert		Ende voeren metter vaert		Ende voeren metter vaert

11478		Vor yselmonde ende wonnen daer		Van yselmonde ende wonnen daer		Voer yselmonde ende wonnen daer

11479		Een deel scepen dat is waer		Een deel scepe dat was waer		Een deel scepe dat es waer

11480		Her nyclaes here van putte		Her nyclaes here van putte		Her niclaes here van pitte

11481		Was in dordrecht harde nutte		Was in dordrecht harde nutte		Was in middelborch herde nitte

11482	VIII 1150	Die streec wt te lande waert		Die streec wt te lande waert		De streec vut te lande waert

11483		Ende lede met hem andie vaert		Ende leede met hem an die vaert		Ende luden met hem inde vaert

11484		Der poerters een groot ghetal		Die poorters een groot ghetal		Der porters een groet ghetal

11485		Die met hem bliuen wouden al		Die mit hem wouden bliuen al		De met hem wouden bliuen al

11486		Ende ghingen recht also voert		Ende ghinghen rechte alsoe voert		Ende ghinghen recht also voert

11487	VIII 1155	Ses milen heb ic ghehoert		Sesse milen heb ic ghehoert		Ses milen heb ic ghehoert

11488		Te walewijc toe daer laghen dan		Te walewijc toe daer laghen dan		Te waelewijc daer laghen dan

11489		Opdie were tshertoghen man		Optie were tshertoghen man		Vp de were tsertoghen man

11490		Daer ghinghen si toe ende dreuense aue		Daer ghinghen si toe ende dreuense aue		Daer ghinghense toe ende dreuense aue

11491		Beide met piken ende met staue		Beide met piken ende met⁴⁰⁸ staue		Beide met pieken ende met stauen

11492	VIII 1160	Mochtmen sien roeren eer sise verdreuen		Mochtmen sien roeren eer sise verdreuen		Mochtemen horen roepen eer sise verdreuen

11493		Ende menighen groten slach gheuen		Ende menighen groten slach gheuen		Ende menighen groten slach gheuen

11494		Dit was met cracht sonder omgaen		Dit was mit crafte sonder omgaen		Dit was met crachte sonder omgaen

11495		Dat si dit hebben ghedaen		Dat si dit hebben ghedaen		Dat si dit hebben ghedaen

11496		Dus wonnen si die were sciere		Dus wonnen si die were sciere		Dus wonnen si die were sciere

11497	VIII 1165	Ende verbornden mitten viere		Ende verbornden metten viere		Ende verbernden⁴⁰⁶ metten viere

11498		Walewijc metter vaert		Waelwijc metter vaert		Walewijch metter vaert

11499		Ende traken weder after waert		Ende traken weder after waert		Ende traken weder achter waert

11500		Jndie poert tsinte gheerden berghe		Jndie port tsinte⁴⁰⁹ gherden berghe		Jn de porte tsente gheerden berghe

11501		Ende namen ruste ende herberghe		Ende namen ruste ende herberghe		Ende namen ruste ende herberghe

11502	VIII 1170	Ende bleuer den nacht al dore		Ende bleuen daer den nacht⁴¹⁰ al dore		Ende bleuen daer den nacht al doer

11503		Hem ne stont nyement vore		Hem ne stont niement vore		Hem ne stont niement voer

vorige 50 regels \| volgende 50 regels \| Ga naar regel
			404: in de marge, deels bedekt door de lombarde, een representant v 405: de eerste e klein boven de u geschreven 406: de eerste e klein boven de u geschreven 407: de tweede t klein bovengeschreven 408: m verbeterd uit een gebogen haal, mogelijk de aanzet van een e 409: er staat tg’; de g zal wel als een ronde s moeten worden opgevat 410: t klein bovengeschreven		405: de eerste d verbeterd uit t 406: d verbeterd uit een bovenschacht