Rijmkroniek van Holland (366-1305)

Contact

d verbeterd uit lange s na de a een vlek; hier is mogelijk de aanzet van een letter doorgestreept in de marge vóór de lombarde een representant d

Vergelijk regels 12591 tot en met 12640

		Handschrift C (ga naar pagina)		Handschrift B (ga naar pagina)		Handschrift A (ga naar pagina)




12591		Want die viande die wrede gaste		Want die viande die wrede gaste		Want de vlaminghe de wrede gaste

12592		Waren doe van hem niet verre		Waren doe van hem niet verre		Waren doe van hem niet verre

12593	IX 890	En was gheen wonder al was hi erre		En was gheen wonder al was hi erre		En was gheen wonder al was hi erre

12594		Dat hem gheuel die auenture		Dat hem gheuel die auontuere		Dat hem gheuiel de auonture

12595		Dat .iiij. scepen up die vre		Dat .iiij. scepen op die vre		Dat vier scepe vp de vre

12596		Vanden besten sitten bleuen		Vanden besten sitten bleuen		Van den besten sitten bleuen

12597		Op den zande hem beneuen		Opten sande hem beneuen		Vp den zande hem beneuen

12598	IX 895	Ende mosten sitten dat ghetide		Ende moesten sitten dat ghetide		Ende mosten sitten dat ghetide

12599		Des die viande waren blide		Des die viande waren blide		Des de viande waren blide

12600		Want si waenden openbare		Want si waenden openbare		Want si waenden openbaer

12601		Dat daer bi verloren ware		Dat daer bi verloren ware		Dat daer bi verloren waer

12602		Tsgrauen doen al tenen male		Tsgrauen doen altemale		Sgrauen doen alte male

12603	IX 900	Want si waenden harde wale		Want si waenden harde wale		Want si waenden herden wale

12604		Die scepe bornen inden gronde		Die scepe bornde inden gronde		De scepe bernen inden gront

12605		Want si vulden op die stonde		Want si wulden optie stonde		Want si vulden vp de stont

12606		Enen cogge met droghen stro		Enen cogghe met droeghen stroe		Enen cogghe met droghen stro

12607		Ende met peke ende waenden so		Ende mit peke ende waenden soe		Ende met peke ende waenden zo

12608	IX 905	Die scepe bernen daer si laghen		Die scepe bernen daer si laghen		De scepe bernden daer si laghen

12609		Ende toghen vort als donse sagen		Ende thoghen voert als donse saghen		Ende toghen vort als donse zaghen

12610		Dat si dat vier brochten voert		Dat si dat vier bochten voert		Dat si dat vier brochten vort

12611		Hinghen si seile buten der boert		Ghinghen si zeilen buter boert		Hinghen si seile buter bort

12612		Om dat vier van hem te weren		Om dat vier van hem te weren		Ende om dat vier van hem te weren

12613	IX 910	Reden si glauien ende speren		Reeden si glauien ende speren		Reden⁴⁵² si glauien ende speren

12614		Om dat vier van hem te stoten		Om dat vier van hem te stoten		Als om tfier van hem te stoten

12615		Dandre met armborsten scoten		Dandere met armborsten scoten		Dandre met armborsten scoten

12616		So ouer sere die tfier brochten		Soe ouer sere die tfier brochten		So ouer seer deet fier brochten

12617		Dat sijt gheherden niet en mochten		Dat sijt gheherden niet en mochten		Dat sijt gheherden niet en mochten

12618	IX 915	Ende mosten keren danen si quamen		Ende moestense keren danen si quamen		Ende mosten keren dan si quamen

12619		Ende waren wel na alte samen		Ende waren wel na alte samen		Ende waren wel na alte samen

12620		Verbernet metten seluen viere		Verbrant mitten seluen viere		Verbernt metten seluen viere

12621		Mer si voeren te lande sciere		Maer si voeren te lande sciere		Maer si voeren te lande sciere

12622		Ende begauen des bernens al		Ende begauens des berrens al		Ende begauen des bernens al

12623	IX 920	Die graue prijsde dit gheual		Die graue prijsde dit gheual		De graue prijsde dit gheual

12624		Dat den sinen comen was also		Dat den sinen comen was alsoe		Dat den sinen was comen so

12625		Ende was in sulken wille doe		Ende was in sulken wille doe		Ende was in sulken wille do

12626		Dat hi woude nemen die nacht ruste		Dat hi woude nemen die nacht ruste		Dat si woude nemen de ruste

12627		Ende slapen laten die slapen luste		Ende slapen laten die slapen luste		Ende slapen laten de slapen luste

12628	IX 925	Ende sanderdaghes nemen dan		Ende tsander daghes nemen dan		Ende tsanderdaghes nemen dan⁴⁵³

12629		Dauenture die hem god an		Dauontuere die hem god an		De auonture de hem god an

12630		Want mocht hijt enich sins liden		Want mocht hijs enich sijns liden		Want mocht hijt enich sijns liden

12631		Sone woudi nachts niet striden		Soe en woude hi nachts niet striden		Sone woude hi niet bi nachte striden

12632		Die graue ende sine partie		Die⁴⁶² graue ende sine partie		De graue ende sine partie

12633	IX 930	Waende dattie fiere her gye		Waenden dattie fiere her ghie		Waenden datte fier her gye

12634		Dat hi leggen soude bliuen stille		Dat hi bliuen soude ligghen stille		Dar hi lach soude bliuen stille

12635		Ende haers ontbeiden ende hadden wille		Ende haers ontbeiden ende hadden wille		Ende haers onbeide ende hadde wille

12636		Die nacht te rusten dat waer dach		Die nacht te rusten dat ware dach		De nacht te rusten dat war dach

12637		Ende nemen dan dats hem worden mach		Ende nemen dan dats hem worden mach		Ende nemen dan dats worden mach

12638	IX 935	Ende souden alle eten gaen		Ende souden alle eten gaen		Ende soude alle eten gaen

12639		Vanden auonde alsijt bestaen		Vanden auonde alsijt bestaen		Vanden auont als sijt bestaen

12640		Begonde die vloet te gane		Begonde die vloet te gane		Begonde de vloet te gaen

vorige 50 regels \| volgende 50 regels \| Ga naar regel
			462: in de marge vóór de lombarde een representant d		452: d verbeterd uit lange s 453: na de a een vlek; hier is mogelijk de aanzet van een letter doorgestreept