Rijmkroniek van Holland (366-1305)

Contact

aan het begin van deze en de volgende regel om twee gerepareerde scheuren in het perkament heen geschreven in de marge vóór de lombarde een representant h waghen met gh doorgestreept en een r erboven geschreven; de eind-e is ook doorgestreept, maar een verticale haal tussen deze letter en de h lijkt die doorhaling ongedaan te maken E verbeterd uit D roepe met een afkortingsstreep boven de eind-e u verbeterd uit de eerste haal van een v of w verloren achter de volgende regel

Vergelijk regels 12893 tot en met 12942

			Handschrift C (ga naar pagina)		Handschrift B (ga naar pagina)		Handschrift A (ga naar pagina)




12893	IX 1190		Alsi ghesproken hadden te voren		Alsi ghesproken hadden te voren		Alsi ghesproken hadden te voren

12894			Dan wt te gaen optie vre		Dan wt te gane optie vre		Dan vut te gaen vp een vre

12895			Ende nemen die auenture		Ende nemen die auonture		Ente nemene de auonture

12896			Die hem god hadde ghegeuen		Die hem god hadde ghegheuen		De hem god hadde ghegeuen

12897			Man ende wijf hadden haer leuen		Man ende wijf hadden haer leuen		Man ende wijf hadden haer leuen

12898	IX 1195		Jn dauenture dan gheset		Jnt dauontuere dan gheset		Jn dauonture dan gheset

12899			Nu wast hem allen comen bet		Nv waest hem allen comen bet		Nv wast hem allen bet gheset

12900			Dat si bet waren⁷⁷³ in hoghen		Dat si bet waren in hoghen		Dies si bat waren in hoghen

12901			Des si gode danken moghen		Des si gode danken moghen		Dies si gode danken moghen

12902			Si daden hare rechte scout		Si daden hare rechte scout		Si hadden haer rechte scout

12903	IX 1200		Dit mach verstaen ionc ende out		Dit mach verstaen ionc ende out		Dit mach verstaen ionc ende out

12904			Si dienden haren rechten here		Si dienden haren rechten here		Si dienden haren gherechten here

12905			Dat hem te prisen sere		Dat hem te prisen is sere		Dat was hem te prisen sere

12906			Ende⁷⁷⁴ die here sijt seker das		Entie here sijt seker das		Ende de here sijt seker das

12907			Dedem dat hi sculdich was		Dede dat hi sculdich was		Dede hem dat hi scoudich was

12908	IX 1205		HJer latic die tale bliuen		Hier⁴⁷³ latic die tale bliuen		Hier latic de tale bliuen

12909			Ende sal v voert een deel scriuen		Ende sal v voert een deel scriuen		Ende sal v voert een deel bescriuen

12910			Hoet voert ghinc opten dach		Hoot voert ghinc opten dach		Hoet verginc vp den dach⁴⁶⁶

12911			Als dat volc dat versach		Alsoe dat volc dat versach		Als dat volc dat versach

12912			Die alre lest hadden ghestreden		Die alre lest hadden ghestreeden		De alre lest hadden ghestreden

12913	IX 1210		Dattie ghene bi hem reden		Dattie ghene bi hem reeden		Dat de ghene de bi hem reden

12914			Die binnen der nacht op hem vochten		Die binder nacht op hem vochten		De binnen der nacht op hem vochten

12915			Hoert wes si hem bedochten		Hoert wes si hem bedochten		Hort wes si hem bedochten

12916			Si worden roepende⁷⁷⁵ te hant		Si worden roepende te hant		Si worden roepende te hant

12917			Ay ha parijs parijs hollant		Ay hoe parijs parijs hollant		Ay ha parijs hollant

12918	IX 1215		Ende ghinghen houwen ende luken		Ende ghinghen se houwen ende luken		Ende ginghen houwen ende luken

12919			Ende lietens hem niet ghebruken		Ende lieten hem niet ghebruken		Ende lietens hem niet ghebruken

12920			Dat si te lande gheuaren⁷⁷⁶ waren		Dat si te lande gheuaren waren		Dat si te lande gheuaren waren

12921			Si sprongen tot hem sonder sparen		Si spronghen tot hem sonder sparen		Si spronghen tot hem sonder sparen

12922			Ende dreuense vten scepe daer		Ende dreuense wten scepe daer		Ende dreuense vten scepe daer

12923	IX 1220		Den enen voren den anderen naer		Den enen vore den anderen naer		Den enen voren den andren naer

12924			Ende oec datmer sulc gheprant		Ende oec datmer sulc gheprant		Ende oec dat mer zulc gheprant

12925			Dandre vloen in duuelant		Dandere vloen in duuelant		Dandre voeren in duuelant

12926			Sac op pac ende ghinghen vlien		Sac op pac ende ghinghen vlien		Sach op pach ende ghinghen vlien

12927			Oec so mochtmen daer wel sien		Oec soe mochte men daer wel sien		Oec so mochtemen wel daer sien

12928	IX 1225		Datter menich int water spranc		Datter menich int water spranc		Datter menich int water spranc

12929			Daerne die grote noet toe dwanc		Daer hem die grote noot toe dwanc		Daren de grote noot toe dwanc

12930			Ende waenden ontswemmen het was verloren⁷⁷⁷		Ende waenden ontswemmen het was verloren		Ende waenden ontswimmen et was verloren

12931			De stene deden hem sulken toren		Die stene deden hem sulken toren		De scepe deden hem zulken toren

12932			Daer mense mede warp ter doet		Daer mense mede warp ter doot		Dar mense mede werp ter doot

12933	IX 1230		Dus ontfingen si scade groot		Dus ontfenghen si scade groot		Dus ontfinghen si scade groot

12934			Bede van goede ende van lieden		Bede van goede ende van lieden		Ende van goede ende van lieden

12935			Het waer iammer te bedieden		Het ware iammer te bedieden		Het ware iammer te bedieden

12936			En mochte niet wesen sonder scade		En mochte niet wesen sonder scade		Hen mochte niet wesen sonder scade

12937			Daer men so vacht sonder ghenade		Daer men soe vacht sonder ghenade		Dar men so vacht sonder ghenade

12938	IX 1235		Enen nacht al dore en ture		Enen nacht al dore entore		Enen nacht al durenture

12939			Daer na in wel corter vre		Daer na in wel corter vre		Daer na in wel corter vre

12940			Begonde een scip vele saen		Begonde een scep vele saen		Begonde een scip vele zaen

12941			Dat wt den stride was ontgaen		Dat wten stride was ontgaen		Dat vten stride was ontgaen

12942			Sijn seyl te halen ende woude vor bi		Sijn zeyl te halen ende woude vor bi		Sijn seil te haelne ende woude vor bi

vorige 50 regels \| volgende 50 regels \| Ga naar regel
		773: waghen met gh doorgestreept en een r erboven geschreven; de eind-e is ook doorgestreept, maar een verticale haal tussen deze letter en de h lijkt die doorhaling ongedaan te maken 774: E verbeterd uit D 775: roepe met een afkortingsstreep boven de eind-e 776: u verbeterd uit de eerste haal van een v of w 777: verloren achter de volgende regel		473: in de marge vóór de lombarde een representant h		466: aan het begin van deze en de volgende regel om twee gerepareerde scheuren in het perkament heen geschreven