toon een folio

a verbeterd uit e carnatioen waarvoor later, in donkerder inkt, een i met afkortingsstreep is geschreven

Folio 1v uit Handschrift C

69			Jnt neder lant neuen den rine
70	I 70		Doe wan hi vort met sire pine
71			Haer lant dat noch zere is vast
72			Ende setter in somighen gast
73			Diese ghiselden ende dwonghen
74			Te dienen der roemscher tongen
75	I 75		Dus mosten si den zege verliesen
76			Die neder sassen heten nv vriesen
77			Dien name wanic dat eerst vant
78			Rome want hets .i. cout lant
79			Heyden bleuen si noch hier naer
80	I 80		Meer dan .ccc. iaer
81			Ende dienden heydijn lantsheren
82			Eer dat si hem wilden bekeren
83		¶	Nu worden zider mogendelike
84			Die coninghe van vrankerike
85	I 85		Heren ouer al duutsche lant
86			Also dat in haer hant
87			Vrieslant quam als ghi sult horen
88			Want puppijn van herstelle geboren
89			Die tswaert van vrankeric droech
90	I 90		Hi had orloghen ghenoech
91			Jeghen roboude gods viant
92			Die hertoghe was van vrieslant
93			So dat hine verwan met eren
94			Jnt carnatioen ons heren
95	I 95		Vi^C xc ende viere
96			Doe sende hi inden lande sciere
97			Willibrorde die eerst bekeerde
98			Die vriesen ende tgheloue leerde
99			Tot westcappelen dat hi quam
100	I 100		Daer hi aenbedende vernam
101			Marcuriose ouer enen god
102			Dat beelde doer ons heren ghebod

103		Brac hi. ende heuet tfolc ghescouden
104		Mer dat heuet hi sware ontgouden
105	I 105	Want .i. die marcuriuse wachte
106		Sloechen in sijn hoeft onsachte
107		Dat hi storte sijn bloet
108		Nochtan¹⁴ predicte hi mitter spoet
109		Twort ons heren als .i. stout seriant
110	I 110	Van den west ende van vrieslant
111		Oestwaert doer die lande recht
112		Onthier dat hi quam tutrecht
113		Dat wiltenburch hiet te voren
114		Die afcode dede hi te storen
115	I 115	Ende maecter een kerke mede
116		Misse te horen die kerstijnhede
117		Ende daer toe ons heren woert
118		Ende wanten te romen indie poert
119		Sergius die paeus benedide
120	I 120	Ende hine aertsbisscop wiede
121		Te predeken ons heren woert
122		Sette tutrecht indie poert
123		Den bisscop stoel ende besat
124		Als aertsbisscop eerst die stat
125	I 125	Ende noyt sider ouer een
126		Ne wasser aertsbisscop ne gheen
127		Jnghels was willibrord becant
128		Gheboren van noerthomber lant
129		Ende want dinghelsche sijn gewassen
130	I 130	Alsmen leest van neder zassen
131		Conste hi te bet die vriessche tale
132		Dit mach elc man prouen wale
133		Int incarnatioen¹⁵ ons heren
134		Als ons vraye ystorie leren
135	I 135	Vij^C x ende viere
136		Starf puppijn die stout die fiere

(klik op het plaatje om het te vergroten)