toon een folio

 
English | Nederlands
de afkortingsstreep onzeker het hier ontbrekende woord heer is door een andere, contemporaine hand toegevoegd d onzeker p’se of ouervaert; de eerste haal van de w is mogelijk doorgestreept e onzeker gezien de vage inktresten stond er waarschijnlijk got gh deels in een gat verdwenen oren deels in een vouw verdwenen

Folio [2]v uit Fragment L

eerste pagina | vorige pagina | thumbnails | vergelijk met andere versies |
4252     Ende voer doer adinghe die stede
4253     Diene seer wel ontfinghen
4254     Ende teghens hem blidelike ghinghen
4255 III 1435   Hi woude voert hi deedt aenschine
4256     Ende toech voer valenciin
4257     Ende dede daer slaen aenden velde
4258     Siin pauwelioene ende siin ghetelde
4259     Karel die daer binnen was
4260 III 1440   Hien vermat hem doe niet das
4261     Dat hi en soude te velde soeken
4262     Als ic versta hi en wouts niet roeken
4263     Maer hi trac wt aen dander side
4264     Dat hi wt quam des was hi blide
4265 III 1445   Ende hi voer weder van dan hi quam
4266     Als die grauinne dat vernam
4267     Wert si droeue ende seer ondaen
4268     Ende seinde doe boden saen
4269     Aenden coninc van hollant
4270 III 1450   Si woude hem gaen in hant
4271     Ende doen dat hi haer beuael
4272     Die coninc die bedacht was wale
4273     Ontfinc die vrouwe al daer
4274     Doe moesten si al openbaer
4275 III 1455   Haren sone altehant
4276     Gheuen van henegouwen al dat lant
4277     Ende dat lant van aelst ende die vier ambochten
4278     Want den coninc goet dat dochte
4279     Dede hiit beseghelen ende bescriuen
4280 III 1460   Al en mocht hem namaels niet bliuen
4281     Dus ghesciede daer die dinc
4282     Ende mijn here die coninc
4283     Brac vp ende voer te lande saen
4284     Dit was in tiaer gods ghedaen
4285 III 1465   Twalef hondert viiftich ende vier mede
4286     Dat voer valencijn die stede
4287     Coninc willem dus was comen
4288     Sinen swagher te groten vromen
4289     Ende siinre zuster kinder na
4290 III 1470   Dus gheuielt als ict versta
4291     Onghegoedt waren si bleuen
4292     En hadt die coninc niet bedreuen
4293     N[..]htan siin somighe henewiere
4294     Alsi in hollant comen hier
4295 III 1475   Segghen si dit lant moet versinken
4296     Die willen qualike dat bedencken
4297     Dat die van hollant haren heere
4298     Brochten in so groter ere
4299     HJer binnen als die coninc lach
4300 III 1480   Voer valencijn op enen dach
4301     Quam hem boedscap openbaer
4302     Dat hem een soen gheboren waer
4303     Van sijnre vrouwen van sinen wiue
4304     Die oer soude bliuen na sinen liue
4305 III 1485   Die coninc verbliidde seer
4306     Ende danckes gode onsen heer
4307     Die sticken worden doe beweuen
4308     Als te voren is bescreuen
4309     Ende quam tot huus op enen dach
4310 III 1490   Al daer siin vrou van kinde lach
4311     Doe dede hi dopen sinen soen
4312     Florens so hiet die gone
4313     Daermen af mach horen vertellen
4314     Ende vertrecken ende verspelden
4315 III 1495   Wonder ende Jamer groet
4316     Dat ghesciede na sine doet
4317     Als ghi hier na sult verstaen
4318     Die coninc willem heeft ghedaen
4319     Feeste als hem seluen dochte
4320 III 1500   Die hi met eren doen mochte
4321     Ende bleef een wile in rusten33 daer
4322     Jc en weet hoe langhe niet vorwaer
4323     Ende al en can ic niet gheraken
4324     Te vertrecken sine saken
4325 III 1505   Tot enen tiden ghinc hi te rade
4326     Wat voerdaen tbeste dade
4327     Men riet hem al sonder sparen
4328     Dat hi vpwaert soude varen
4329     Ende dwinghen aen hem wel dat rijc
4330 III 1510   Ende besittent moghentlike
4331     So mocht hi dan ontfaen te lone
4332     Van romen die keyserlike crone
4333     Dat waer hem eerlic harde seer
4334     Doe peinsde selue die grote 34
4335 III 1515   Dat hi soude varen in vremde lande
4336     Ende dwinghen te sinen handen
4337     Die liede ende siins selues lant
4338     Soude bliuen buten sijnre hant
4339     Die dat doet hi moet ryesen
4340 III 1520   Sprac hi want hier siin die vriesen
4341     Die wonen in dit wester ende
4342     Die miin soude sijn het waer scende
4343     Liet ic dit al openbaer
4344     Voer ic hier ende voer ic daer
4345 III 1525   Ander lude te doen tonder
4346     Ende laten die mine al b[.]sonder
4347     Onbedwonghen sonder dwanc35
4348     Hi wert te rade ee[.] yet lanc
4349     Dat hi die vriesen in alre wise
4350 III 1530   Soeken woude upten yse
4351     HEt gheuiel als hi ghedochte
4352     Ten eersten datmen riden mochte
4353     Ouer yis ende ouer al
4354     Gheboet hi ende beual
4355 III 1535   Datmen ghebaet hereuaert
4356     Ende hi toech darewaert
4357     Jnden winter op enen dach
4358     Na karsauont als hi lach
4359     Jn enen vorst als god woude
4360 III 1540   Ende emmer oec gheuallen soude
4361     Die coninc voer al toet alcmare
4362     Ende te vronen al daer naer
4363     Ende al vpten groten yse
4364     Die coninc stont van hoghen prise36
4365 III 1545   Voer voren stout ende ouerwaert37
4366     Daer hi der vriesen ghewaer waert
4367     Daer hise dicste sach mit hopen
4368     Liet hi voren toet hem lopen
4369     Of hi hadde ghesiin op tfelt
4370 III 1550   Daer die vriesen onghetelt
4371     Stonden ghescaert na haerre wise
4372     Die coninc waende op ten yse
4373     Seker hebben ghereden
4374     Als hi sine liede was leden
4375 III 1555   Volghede hem nyement alst wel sch[..]n
4376     Daer si sider om dreuen ween
4377     Als dus reet die here van prise
4378     So brac dat ors doer den yse
4379     Dat iammer was te siene an
4380 III 1560   Dat aldus die edel man
4381     Tonghemake was aenden liue
4382     Doe38 quamen die vryessche keytiue
4383     Die den coninc waren gheuee
4384     Twe ofte drie ofte luttel mee
4385 III 1565   Ende sloeghen doet al ombekent
4386     Dandre quamen daer omtrent
4387     Ende saghen s[...] wapen an
4388     Ende seide dit is een man
4389     Die wel vorbaer mach wesen
4390 III 1570   Doe quamer een toe mit tesen
4391     Diene kende ende seyde saen
4392     Wapen wat hebdi ghedaen
4393     Ghi hebt den coninc selue doet
4394     Doe hadden si alle rou g[..]39
4395 III 1575   Het moste bliuen [.]ets w[.]s gheda[..]
4396     Doe namen si den coninc saen
4397     Ende groeuen daer hem goet dochte
4398     Soemen alre heymelicste mochte
4399     Jc en can gheweten noch gheraden
4400 III 1580   Bi wat saken dat siit daden
4401 III 1580/1   Siin heer wert al ondaen
4402     Ende toghen [..]uus weder saen
4403     Ende hoe mach dit siin ghesciet
4404     Dat soe menich goet man liet
4405 III 1580/5   Sinen here riden voren
4406     Hi en hadde na gheuolcht40 mit sporen41
4407     Ende tliif gheset in auenturen

(klik op het plaatje om het te vergroten)
eerste pagina | vorige pagina | thumbnails | vergelijk met andere versies |
33: de afkortingsstreep onzeker
34: het hier ontbrekende woord heer is door een andere, contemporaine hand toegevoegd
35: d onzeker
36: p’se
37: of ouervaert; de eerste haal van de w is mogelijk doorgestreept
38: e onzeker
39: gezien de vage inktresten stond er waarschijnlijk got
40: gh deels in een gat verdwenen
41: oren deels in een vouw verdwenen