Transcriptie

Monsieur,

Ick neme de vrijheyt van U.L. andermael indachtich te maecken voor mijn te willen copen acht paer van de beste sijde hoesen van de nieuste couleuren, wilde wel datter twee off drie paer onder waren van Coelombijen. 't Gelt daertoe nodich sal U.L. gelieven op wissel te trecken. Sal ordre stellen dat 'tselve promptelijcken betaelt wort. Ick U.L. wederom al sijde eenigen dienst can doen, sult mijn altijt bereyt vinden alst sijnde, Monsieur, U.E. dienstwillige vrundt, B. van Leuwen

's-Gravenhage, den 20en martii 1622