DJe g[r]aue voer sire straten
Die scout en woudedoniet late[n]
Hinoemde doe bi namen
Die hi woude dat na him quame[n]
S[...]oere[n] doe in die poort
Te delf als men heuet ghehoort
.V. wasser men sende him mede
.iij. boden wt der stede
Die den g[r]aue souden volghen
En[de] spreken al was hi v[er]bolghe[n]
Op die poorte van dordrecht doe
En[de] sien mochten si brenghe[n] toe
Dat men dat maecte te goede
En[de] dat in betere[n] poynte[n] stoede
Die g[r]aue voer in dien haghe
Haer wolfaert sat op te[n] andere[n] daghe
En[de] voer te woerden waert
En[de] merredde an die vaert
En weet iiij daghe soviue so sesse
Wal holpe dese langhe lesse
D[....]oorters senden hemiiij. na
Omme te spreken als ict v[er]sta
Mit den graue hare[n] heer
Die was verbolghe[n] harde seer
Doe die viere aldaer quamen
Tote achten alle bi name[n]
[.]yeneen[de] pouwels hiete[n] die twe
[..] was der ander mee
Jc en canse niet ghenoemen
So was hem te voren comen
Dat haer wolfaert niet en was daer
Doe senden si haer boden daer
Omme te proeuen op wilke[n] da[.]he
Hi comen soude inden haghe
DJe bode vanten tiselsteyn
Hem en[de] sijn wijf daer ghemeyn
Haer niclaes van cats wasser mede
Die boden spraken daer ter stede
En[de] hi seyde sine[n] wille
Die bode keerde zwighe[n]de stille
En[de] tellede sinen here voort
Wat hi van him hadde ghehoort
Si beyden doe tot den daghe
Dat hi was come[n] in die[n] haghe
Die graue ne woude gheen antworde gheue[n]
Sonder him dus sien si bleuen
Ligghende stil en[de] beyden daer
Toter wilen dat hi quam naer
Doe heer wolfaert comen was
Worden si te rade das
[.]at ian die molenaer pieter mede
[.]eren tielmans sone[n] voere[n] ter stede
[.]n[de] iacob haer derde gheselle
[.]ot den graue daer ic af telle
Om te sprekene van hare dinc
[.]ie g[r]aue doe ten rade ghinc
[.]ette[n] h[er]en wolfaert en[de] olout
Die te radene hier toe was bout

Ten lesten sprac hi den moelnaer an
En[de] daer na dandere twe man
En[de] leedse in die camere mede
En[de] spraken [...] hem daer t[er] [.....]
Ene wile doe quamen si wt
En[de] aloud sprac ouer luut
En[de] v[r]aghede of heyne en[de] pauwels ware[n]
Te delf dat segt sonder sparen
Men seyde ia si sijn aldaer
Sullen si iet comen haer
Sprac aloud tote[n] moelnare
Ontbietmense si comen hare
Sprac doe ian dat weet ic wale
Alout hilds niet meer tale
Dan hi ghinc ter camere[n] in
Hi soude node sinen sin
Hebben gheseyt daer voer oghen
Men riep ianne en[de] ghinc hem toghen
Dat die graue woude ghaen eten
En[de] dan soude men hem doen wete[n]
Sgrauen wille van der zaken
Si mochte[n] hem wel gaen blide make[n]
En[de] na etene weder comen
Jan die pensde het sal ons vrome[n]
En[de] ghinc ter herberghe met sine[n] ghesellen
Alse hi daer qua[m] bego[n]st hi telle[n]
Ene[n] bode dat hi woude
Dat hi den andere[n] segghe[n] soude
Binne[n] dien quam die mare
Dat al dat hof ghereet ware
En[de] [..]e g[r]aue woude riden
[***]
Help seyt hi wat macht be[......]
Jc ne weet hem wat ontbi[..]e[.]
Sech hem allen dese zaken
God gheue hem tbeste  te gherake[n]
Jc bens wel droeue en[de] erre
Die bode die voer sonder merre
Hi hadde twe paerde in ene[n] waghe[n]
E[.][de] ghinc [.]aste hene[n] iaghen
E[.][de] quam [.]e tide alst god woude
D[..]r [........] beten soude
En[de] se[...] hem allen dit
[.]auwels l[...]her niet en sit
Hi stont op en[de] ghinc sire strate[n]
H[....] die sout node laten
Hin[.] stont op en[de] dede also
Dus quamt toe dat elc vlo
DJe g[r]aue quam met here[n] wolfaerde
Doe hi ghebeet was van de[n] paer[..]
Quamen si daer dandere waren
Heer wolfaert sprac sond[er] sparen
Want hi was int herte fier
Die van dordrecht sien si hier
Jawi seyden die ghene doe
Die daer ware[n] hi sprac he[m] toe
Gawi danne laet v spreken
Roept v ghesellen laet niet ghebreke[n]
O[..]er die clocke ghinc heer wolfaert
En[de] vraghede al onghespaert
Om pouwelse en[de] heynen mede
Men antworde hem daer ter stede
Si ghaen spelen wine wete[n] waer
Doe seyde haer wolfaert sent daer naer
Wi hebbent ghedaen seyden si
[.]ettien so begonde hi
[.]e segghene alst vore[n] staet
[.]an der tafelen al die daet
Hoe dat se die graue hebbe[n] woude
[..] ouer die ghene rechte[n] soude
Dies hadden v[er]dient hoe dat ware
Dit toonde hi dien van delf dare
[.....] die van dordrecht ane ho[.]rd[.][n]
[....]eyden here bi voerworden
[.....] die waerheyt segghen[.....]
[...] s[.]rake[n] wi metten baeliu
Dat scepen souden nedere[n] en[de] hog[***]
Al[...] sprac dits gheloghen
[.]o[..] den g[r]aue en[de] voer he[m] all[***]
Doe begonden die lude te callen
Daert die g[r]aue selue an hoorde
Dat hi sprake onhoueske woerde
W[.]l[....]i so dat lant berechten
[.]a sprac hi ic wille vechten
E[.]e[n] camp jeghens wien dat es
[.]en scepene van delf sprac siit ghewes
Hier [....]echt ghijs ghenen camp
D[.]t waer ons te suua[.]e[n] scamp
Soude al onser po[.]ten recht
Staen an eens mans gheuecht
So mocht onse recht wel arghe[n]
Da[.] hare es huden dat onse morghen
Ghi hebt v q[....]ke hier g[.]ewroken
Dat ghi [..]ede liede hebt v[er]sproken