Transcriptie
Au camp près de Venlo, le 11e octobre 1646
Depuis hier que j'eus l'honneur d'informer Votre Altesse de nostre arrivée et premières entrefaictes devant ceste ville, notre pont de Gennep est arrivé et ceste nuict ensuitte a esté couché sur la Meuse. Les enemis qui avoyent esté veus, à sçavoir la cavallerie commandée par le Prince de Ligne, s'en retourna dès hier sur ses pas vers le costé de Diest, après avoir mené deux régimens d'infanterie et quatre compagnies de cavallerie dans Steffensweert, d'où maintenant les places voisines peuvent estre pourveues au besoin. Son Altesse en a donné advis à Messieurs les Estats Généraulx et y a adjousté que ces préventions naissent de ce que les enemis ont esté advertis de La Haye de leur résolution pour ceste marche jà devant que nous partissions de Berghe.
À ce soir Son Altesse a esté donner ordre à l'ouverture d'une tranchée contre la grande corne de la ville, qui nous regarde de ce costé icy et Monsieur d'Haulterive à l'honneur du commandement de ceste première nuict.
À ce matin Monsieur de Brederode a esté envoyeé prendre quartier de l'autre costé sur le bord de la Meuse à Tegelen, où logea le Cardinal-Infant quand il print la ville l'an 1637. On luy a donné 48 compagnies d'infanterie et 4 de cavallerie, auxquelles dernières à son instance l'on en va adjouster encor quelques, 3 ou 4.
Le Comte Pompei, survenant aujourd'huy à la campagne à la dispute qu'eut son cousin contre le quartiermaistre de Monsieur de Verneuil, honest homme, autrefois son valet de chambre, sur le subject d'une perdrix où ce quartiermaistre donna à becqueter dedans à l'oyseau qu'il avoit sur le poing, sans aucunes armes, luy porta l'un de ses pistolets à la teste, qui marqua, et reprenant l'autre aussitost, l'en toucha si bien qu'il tomba mort par terre, et après ce coup s'en vint dire à Monseigneur le Prince Guillaume qu'ayant esté mal rencontré dudit quartiermaistre il l'avoit blessé d'un coup de pistolet sans sçavoir s'il estoit mort ou point. Monsieur le Prince respondit qu'il s'en informeroit, qu'il s'en retournast à son quartier, mais tost après ses amis luy donnèrent advis de s'absenter.
Son Altesse a bon visage et se porte comme de coustume.