Registers van de Hollandse grafelijkheid 1299-1345

Graaf Willem III verkoopt Willem van Zaanden de huizen en het land in Sijbekarspel die waren verbeurd door Coppijn Simonsz. en Bachelier.

Wi Willaem^a grave etc. maken cont allen luden^b dat wi bi heren Dieric^c van Outsorne^d, onsen bailiuy van Medenblec, vercoft hebben Willem^e van Zaenden dat land ende huys in Zibouds kerspel dat ons ane quam van Coppijn Symons f. verboernesse, om elf pond ende vijf scellinghen Hollands^f, ende huys ende land dat ons ane quam van Bacheliers verbornesse om drie pond ende achte scellinghen Hollands^g; dit comt in somme viertien pond dortien scellinghen Hollands^h. Ende want hiⁱ ons daer of voldaen hevet bi heren Dieric^j vors., soe ghelove wi hem dit land vors. te waren alsmen scoudich es eyghen te waren.

In orconde etc. Ghegheven in die Haghe des manendaghes na sente Victors dach anno XXV^o.