Registers van de Hollandse grafelijkheid 1299-1345

Graaf Willem III verklaart dat hij in zijn eerdere uitspraak, gedaan op verzoek van de bisschop van Utrecht in de twist tussen heer Zweder van Vianen, heer Jacob van Lichtenberg en hun helpers enerzijds en de stad van Utrecht en haar helpers anderzijds, ten onrechte Hendrik van der Lek een medestander van Zweder van Vianen heeft genoemd, en dat de partijen hun geschil opnieuw verbleven hebben aan de bisschop, aan hem zelf en aan de die personen met hem uitspraak zullen doen.

Vgl. nrs. UT 121-123.

Wi Willaem grave van Henegouwen^a etc. maken cond allen luden dat een twist rees twischen heren Zueder van Vyanen, Jan van Luchtenberch ende haren helperen an die ene zide ende die stat van Utrecht ende horen helperen op die ander zide, dat ene wille tijds buten vreden stont, alse waer bi dat onse here die bisscop van Utrecht an ons versoeken dede in Henegouwen^b dat wi dat wilden doen^c vreden, waer bi dat wi omme sinen wille met onsen open brieve die stucken vreden deden, dair wi in zetten dede Heynric van der Lecke in dien brieve met heren Zueder over mids dat wi waenden dat hi heren Zueders hulper gheweset hadde, want wi niet claer en wisten op die tijd wie die stat onseit hadde, ende wi wel vonden hebben ter wareit dat Heynric van der Lecke heren ^d Zueders hulperen van Vyanen noch Jans van Lichtenberch niet en was; ende dat hair Zueder van Vyanen, Jan van Lichtenberch ende horen helperen an die ene zide, die stat van Utrecht ende hoir helperen op dander side, ane onsen lieven here den bisscop van Utrecht ende an ons metten zeggheren die met^e ons zullen zegghen ghebleven sien van allen twie die zi onderlinghe ghehad hebben met den partien voirs., ende dat wiet noch in onse zegghen hebben.

In oirconde etc. Ghegheven te Leyden tsaterdaghes na zente Matheus dach int jaer ons Heren M CCC neghen ende twintich.