Registers van de Hollandse grafelijkheid 1299-1345

Graaf Willem III geeft toestemming aan Wouter de Schrijver tot verkoop in vrij eigendom van leengoederen in Houtrijk.

Wi Willaem^a grave etc. maken cond etc. dat wi oirlof ghegheven hebben ende gheven Wouter den Scriver te vercoepen te vrien eyghen een voere lands dat hout XXIIII made lands, legghende in Houtric tusken Gherit^b des Groven^c lande an die noirzide^d ende Clays^e Mabelyen^f zoens lande an die zuytside, item noch een were lands van XX made dat leghet in Houtric tuysken Jacop^g Ceden^h soens lande op die noirzide ende an die zuytside Claysⁱ Ghertruden^j sone voirs., die hi van ons te houdene plach te rechten liene. Ende so wie so dit voirs. land jeghens hem^k coept, dien zullen wijt waren alse men^l vri eyghen sculdich es te waerne, sonder archlist.

In orkonde etc. Ghegheven in den Haghe op den twelfsten dach van meye int jaer ons Heren M CCC XXIX.

^m Desen brief heeftⁿ Heynric heren Dierix sone, et inde computabit domino tertiam partem.